మాజీ క్రికెట‌ర్‌ యువ‌రాజ్ సింగ్ అరెస్ట్ !

October 17, 2021 / 10:35 PM IST

yuvraj singh arrest | టీమిండియా మాజీ ఆల్‌రౌండ‌ర్ యువ‌రాజ్ సింగ్ అరెస్టు అయ్యారు. గ‌త ఏడాది కుల వివ‌క్ష‌తో కూడిన వ్యాఖ్య‌లు చేసిన కేసులో హ‌ర్యానాలోని హిసార్ జిల్లా హ‌న్సి పోలీసులు యువ‌రాజ్‌ను ఆదివారం అరెస్టు చేశారు. అయితే వెంట‌నే బెయిల్ రావ‌డంతో యూవీ బ‌య‌ట‌కు వ‌చ్చేశాడు.

అస‌లేం జ‌రిగింది..

గ‌త ఏడాది రోహిత్ శ‌ర్మ‌తో క‌లిసి యువ‌రాజ్ సింగ్ ఇన్‌స్ట్రాగ్రామ్ లైవ్‌లో మాట్లాడాడు. ఆ సంద‌ర్భంగా యుజేంద్ర చాహ‌ల్‌పై యూవీ స‌ర‌ద‌గా కామెంట్లు చేశాడు. చాహ‌ల్ త‌న కుటుంబ స‌భ్యుల‌తో క‌లిసి వీడియోలు చేస్తున్నాడ‌ని.. బాంగీ మ‌నుషుల్లా వీళ్ల‌కు ప‌ని పాటా లేదా అంటూ స‌ర‌దాగా వ్యాఖ్యానించాడు. దీనికి రోహిత్ శ‌ర్మ, యూవీ ఇద్ద‌రూ న‌వ్వుకున్నారు. ఆ వీడియో అప్ప‌ట్లో తెగ వైర‌ల్ అయింది. అయితే ద‌ళితుల‌ను అవ‌మానించేలా యువ‌రాజ్ మాట‌లు ఉన్నాయ‌ని నెటిజ‌న్ల నుంచి తీవ్ర‌ విమ‌ర్శ‌లు వ‌చ్చాయి. యువ‌రాజ్ సింగ్ క్ష‌మాప‌ణ చెప్పాల‌ని డిమాండ్లు కూడా వ‌చ్చాయి. ఈ క్ర‌మంలోనే హ‌ర్యానాలోని హిస్సార్ పోలీస్ స్టేష‌న్‌లో యువ‌రాజ్ సింగ్‌పై కేసు న‌మోదైంది. హ‌ర్యానా ద‌ళిత హ‌క్కుల నేత ర‌జ‌త్ క‌ల్స‌న్ ఫిర్యాదు మేర‌కు ఈ కేసు న‌మోదైంది. ఈ సంద‌ర్భంగా ఆయ‌న.. రోహిత్ శ‌ర్మ‌ను కూడా త‌ప్పుబ‌ట్టాడు. ఈ క్ర‌మంలో త‌న వ్యాఖ్య‌ల‌పై అప్ప‌ట్లోనే యువ‌రాజ్ క్ష‌మాప‌ణ‌లు కూడా చెప్పాడు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి