ప్రపంచ క్రికెట్ లో పాగా వేయడానికి మరో ఫార్మాట్ దూసుకొస్తున్నది. టెస్టు, వన్డే లను మింగిన టీ20ని సవాల్ చేస్తూ 60 బంతుల (టీ10) ఫార్మాట్ కూడా ప్రాచుర్యం పొందుతున్నది. ఇప్పటికే అబుదాబిలో ఈ ఫార్మాట్ కు అంకురార్పణ చేయగా తాజాగా కరేబియన్ ప్రీమియర్ లీగ్ (సీపీఎల్) లో ఈ ఏడాది నుంచే దీనికి ముహుర్తం ఖరారు చేశారు. టెస్టు, పరిమిత ఓవర్లతో పోలిస్తే ఇందులో నిబంధనలు కాస్త వెరైటీగా ఉన్నాయి. వెస్టిండీస్ క్రికెట్ బోర్డు ఆధ్వర్యంలో రాబోతున్న ఈ నయా క్రికెట్ ఫార్మాట్, ఇందులోని నిబంధనల గురించి ఇక్కడ చూద్దాం.
సీపీఎల్-10వ ఎడిషన్ (ఆగస్టు 30-సెప్టెంబర్ 30) ప్రారంభానికి ముందే నిర్వాహకులు టీ10 ని ప్రారంభించాలని ప్రణాళికలు సిద్ధం చేస్తున్నారు. ‘The 6ixty’ లీగ్ గా వస్తున్న ఈ నయా ఫార్మాట్ 2022 ఆగస్టు 24 నుంచి 28 వరకు వెస్టిండీస్ దీవులలో జరుగనుంది. సెయింట్ కిట్స్ వేదికగా జరుగబోయే ఈ నయా ఫార్మాట్ లో సీపీఎల్ లో ఆడే 6 పురుషుల జట్లు, 3 మహిళల జట్లు ఆడతాయి. ఈ బ్రాండ్ న్యూ టోర్నీకి యూనివర్సల్ బాస్ క్రిస్ గేల్ బ్రాండ్ అంబాసిడర్ గా వ్యవహరించనుండటం గమనార్హం.
‘ది సిక్స్టీ’ ఫార్మాట్ మార్గదర్శకాలు :
– ఈ ఫార్మాట్ లో ప్రతి జట్టు ఆడేది పది ఓవర్లు మాత్రమే.
– సాధారణ క్రికెట్ లో మాదిరిగా పది మంది కాకుండా ఈ ఫార్మాట్ లో బ్యాటింగ్ చేసేది ఆరుగురే.
– టీ20ల మాదిరే ఇందులో కూడా రెండు పవర్ ప్లే (రెండు ఓవర్లకు ఒకటి) ఉంటాయి. అయితే బ్యాటింగ్ చేసే జట్టు తొలి ఓవర్లో రెండు సిక్సర్లు కొడితే మూడో పవర్ ప్లే ను కూడా ఆడే అవకాశముంది.
– ఐదు ఓవర్ల వరకు ఫీల్డింగ్ మార్పులు లేకుండా ఒకే ఎండ్ నుంచి బౌలింగ్ చేయొచ్చు.
– 45 నిమిషాల నిడివిలో బౌలింగ్ జట్టు పది ఓవర్లు వేయకుంటే ఆ టీమ్ వేసే చివరి ఓవర్లో ఓ ఫీల్డర్ ను తీసేస్తారు. అంటే పది మందే గ్రౌండ్ లో ఉంటారు.
– యాప్, వెబ్ సైట్ ద్వారా లాగిన్ అయి మ్యాచ్ చూసే ప్రేక్షకులు ప్రతి ఇన్నింగ్స్ లో ఓ జట్టుకు ఓటింగ్ ద్వారా ‘మిస్టరీ ఫ్రీ హిట్’ అందించొచ్చు.
60 balls, 6 men’s teams, 3 women’s teams, radical new rules. Join us as we see the CPL teams compete in @6ixtycricket #CricketsPowerGame #6ixtyCricket #CPL22 https://t.co/i8TGhUFafz
— CPL T20 (@CPL) June 22, 2022