Chris Jordan | పుట్టిన గ‌డ్డ‌పై ‘హ్యాట్రిక్’.. చరిత్ర సృష్టించిన జోర్డాన్

Chris Jordan : క‌రీబియ‌న్ గ‌డ్డ‌పై జ‌న్మించిన‌ ఇంగ్లండ్ పేస‌ర్ క్రిస్ జోర్డాన్ (Chris Jordan) అదే నేల‌పై చరిత్ర సృష్టించాడు. పొట్టి ప్ర‌పంచ క‌ప్‌లో హ్యాట్రిక్ (Hat-trick) తీసిన తొలి ఇంగ్లీష్ బౌల‌ర్‌గా రికార్డు నెల‌కొల్పాడు.

Chris Jordan : క‌రీబియ‌న్ గ‌డ్డ‌పై జ‌న్మించిన‌ ఇంగ్లండ్ పేస‌ర్ క్రిస్ జోర్డాన్(Chris Jordan) అదే నేల‌పై చరిత్ర సృష్టించాడు. పొట్టి ప్ర‌పంచ క‌ప్‌లో హ్యాట్రిక్(Hat-trick) తీసిన తొలి ఇంగ్లీష్ బౌల‌ర్‌గా రికార్డు నెల‌కొల్పాడు. అమెరికాతో జ‌రిగిన సూప‌ర్ 8 మ్యాచ్‌లో జోర్డాన్ వ‌రుస బంతుల్లో అలీ ఖాన్(0), నోస్తుశ్(0), నేత్రావ‌ల్క‌ర్(0)ల‌ను బౌల్డ్ చేశాడు. దాంతో, తొమ్మిదో సీజ‌న్‌లో ప్యాట్ క‌మిన్స్(Pat Cummins) త‌ర్వాత ఈ ఫీట్ సాధించిన రెండో బౌల‌ర్‌గా మ‌రో రికార్డు ఖాతాలో వేసుకున్నాడు. వీళ్లిద్ద‌రూ కూడా సూప‌ర్ 8 ద‌శ‌లోనే హ్యాట్రిక్ వీరులుగా నిల‌వ‌డం విశేషం.

ఆస్ట్రేలియా పేస‌ర్ క‌మిన్స్ వ‌రుస‌గా రెండు మ్యాచుల్లో హ్యాట్రిక్ న‌మోదు చేశాడు. తొలుత బంగ్లాదేశ్‌పై మూడు వికెట్ల‌తో చెల‌రేగిన ఈ స్పీడ్‌స్ట‌ర్.. జూన్ 23న‌ అఫ్గ‌నిస్థాన్‌పై మ‌ళ్లీ అదే ఫీట్ రిపీట్ చేశాడు. దాంతో, పొట్టి ప్ర‌పంచ‌క‌ప్‌లో రెండు హ్యాట్రిక్‌లు తీసిన రెండో బౌల‌ర్‌గా వ‌సీం అక్ర‌మ్(Wasim Akram) రికార్డును క‌మిన్స్ బద్ధ‌లు కొట్టేశాడు. ఈ మెగాటోర్నీలో హ్యాట్రిక్ తీసిన వాళ్ల జాబితాలో క్రిస్ జోర్డాన్ చేరాడు. బార్బ‌డోస్‌లో పుట్టిన జోర్డాన్.. ఇప్పుడు అదే గ‌డ్డ మీద అరుదైన ఘ‌న‌త సొంతం చేసుకోవ‌డం గ‌మ‌నార్హం.

HAT-TRICK! 🎉🎉🎉

Incredible from Chris Jordan! 🤯

Bowled. LBW. Bowled. pic.twitter.com/dKn9aN5GM6

— England Cricket (@englandcricket) June 23, 2024

ఏకంగా 8 మంది

ఇప్ప‌టివ‌ర‌కూ టీ20 వ‌ర‌ల్డ్ క‌ప్‌లో హ్యాట్రిక్ తీసిన బౌల‌ర్లు ఎనిమిది మంది. ఆరంభ ఎడిష‌న్‌లోనే ఆస్ట్రేలియా స్పీడ్‌స్ట‌ర్ బ్రెట్ లీ(Brett Lee) బంగ్లాదేశ్‌పై హ్యాట్రిక్ తీశాడు. ఆ త‌ర్వాత కర్టిస్ కాఫ‌ర్(ఐర్లాండ్), వ‌నిందు హ‌స‌రంగ‌ (శ్రీ‌లంక), క‌గిసో ర‌బ‌డ‌(ద‌క్షిణాఫ్రికా), కార్తిక్ మెయియ‌ప్ప‌న్(యూఏఈ) జోష్ లిటిల్(ఐర్లాండ్), ప్యాట్ క‌మిన్స్ (అస్ట్రేలియా), క్రిస్ జోర్డాన్(ఇంగ్లండ్)లు ఈ క్ల‌బ్‌లో చోటు సంపాదింంచారు.

Watch: Pat Cummins’ historic milestone of back-to-back Men’s #T20WorldCup hat-trick 🎥

All his hat-trick wickets ⬇#AFGvAUShttps://t.co/DrYR7duJ7t

— ICC (@ICC) June 23, 2024

ఇవి కూడా చ‌ద‌వండి

• Fire Breaks Out | స్క్రాప్‌యార్డ్‌లో భారీ అగ్నిప్రమాదం
• DNA test for tribals | గిరిజనులకు డీఎన్‌ఏ పరీక్ష చేయిస్తామన్న బీజేపీ మంత్రి.. ఆయన రాజీనామాకు డిమాండ్‌
• Deputy CM Pawan Kalyan | పవన్‌ కల్యాణ్‌ను కలువనున్న టాలీవుడ్ టాప్ ప్రొడ్యూసర్స్‌