Carlos Alcaraz | వింబుల్డ‌న్ విజేత‌కు ఏటీపీ అవార్డు.. అరుదైన క్ల‌బ్‌లో స్పెయిన్ యువ‌కెర‌టం

Carlos Alcaraz : రెండో సీడ్ కార్లోస్ అల్క‌రాజ్(Carlos Alcaraz) ప్ర‌తిష్ఠాత్మ‌క ఏటీపీ అవార్డు గెలుచుకున్నాడు. ఈ ఏడాది అద్భుతంగా రాణించిందుకు స్టెఫాన్ ఎడ్బెర్గ్ స్పోర్ట్స్‌మ‌న్‌షిప్(Stefan Edberg Sportsmanship Award) అవార్డు అందుకున్నాడు. జ‌న్నిక్ సిన్న‌ర్(Jannik Sinner)...

December 16, 2023 / 04:04 PM IST

Carlos Alcaraz | వింబుల్డ‌న్ విజేత‌కు ఏటీపీ అవార్డు.. అరుదైన క్ల‌బ్‌లో స్పెయిన్ యువ‌కెర‌టం

Carlos Alcaraz : రెండో సీడ్ కార్లోస్ అల్క‌రాజ్(Carlos Alcaraz) ప్ర‌తిష్ఠాత్మ‌క ఏటీపీ అవార్డు గెలుచుకున్నాడు. ఈ ఏడాది అద్భుతంగా రాణించిందుకు స్టెఫాన్ ఎడ్బెర్గ్ స్పోర్ట్స్‌మ‌న్‌షిప్(Stefan Edberg Sportsmanship Award) అవార్డు అందుకొని అరుదైన క్ల‌బ్‌లో చేరాడు. జ‌న్నిక్ సిన్న‌ర్(Jannik Sinner), హుబ‌ర్ట్ హుర్కాజ్, గ్రిగ‌ర్ దిమిత్రోవ్‌ల‌ను వెన‌క్కి నెట్టి మరీ విజేత‌గా నిలిచాడు. త‌ద్వారా ఈ అవార్డు గెలిచిన నాలుగో స్పెయిన్ ఆట‌గాడిగా అల్క‌రాజ్ గుర్తింపు సాధించాడు.

అల్క‌రాజ్ కంటే ముందు జోస్ హిఘెరాస్, అలెక్స్ కొర్రెట్జా, ర‌ఫెల్ నాద‌ల్(Rafeal Nadal) మాత్రమే స్టెఫాన్ ఎడ్బెర్గ్ స్పోర్ట్స్‌మ‌న్‌షిప్ అవార్డు అందుకున్నారు. వీళ్ల‌లో నాద‌ల్ ఒక్క‌డే రికార్డు స్థాయిలో ఐదుసార్లు ఈ అవార్డును ముద్దాడాడు. ర‌ఫా 2010, 2018, 2019, 2020, 2021లో స్టెఫాన్ ఎడ్బెర్గ్ స్పోర్ట్స్‌మ‌న్‌షిప్ అవార్డు గెలుచుకున్నాడు.

కార్లోస్ అల్క‌రాజ్

Alcaraj F

‘స్టెఫాన్ ఎడ్బెర్గ్ స్పోర్ట్స్‌మ‌న్‌షిప్ అవార్డు గెలిచినందుకు నాకు చాలా సంతోషంగా ఉంది. నా స‌మ‌కాలీనుల‌తో పోటీప‌డి అవార్డు ద‌క్కించుకున్నంద‌కు ఎంతో గ‌ర్వంగా అనిపిస్తోంది. ఇది నాకు చాలా విలువైన‌ది. ఈ సంద‌ర్భంగా అంద‌రికీ ధ‌న్య‌వాదాలు చెప్తున్నా’ అని అల్కరాజ్ తెలిపాడు.

అల్క‌రాజ్, నొవాక్ జ‌కోవిచ్

Carlos Alcaraz

ఈ ఏడాది అల్క‌రాజ్ అత్యుత్త‌మ ప్ర‌ద‌ర్శ‌న క‌న‌బ‌రిచాడు. ఆరు టైటిళ్లు గెలవ‌డమే కాకుండా వ‌ర‌ల్డ్ నంబ‌ర్ 1 ర్యాంకుకు ఎగ‌బాకాడు. ఫ్రెంచ్ ఓపెన్ ఫైన‌ల్లో నొవాక్ జ‌కోవిచ్(Novak Djokovic) చేతిలో కంగుతిన్న అల్క‌రాజ్‌.. వింబుల్డ‌న్ ఫైన‌ల్లో జకోను మ‌ట్టిక‌రిపించాడు. అయితే.. యూఎస్ ఓపెన్‌లో ఓట‌మితో అత‌డు రెండో ర్యాంక్‌కు ప‌డిపోయాడు. 2023 ఏడాదిని విజ‌య‌వంతంగా ముగించిన ఈ యంగ్‌స్ట‌ర్ వ‌చ్చే ఏడాదిని విజ‌యంతో ఆరంభించాల‌నే క‌సితో ఉన్నాడు. అందులో భాగంగా అల్క‌రాజ్ ఆస్ట్రేలియ‌న్ ఓపెన్‌లో ఫేవ‌రెట్‌గా బ‌రిలోకి దిగ‌నున్నాడు.