Border–Gavaskar Trophy : వచ్చే ఏడాది భారత్, ఆస్ట్రేలియా జట్లు బోర్డర్ – గవాస్కర్ ట్రోఫీలో తలపడనున్నాయి. ఇరు జట్లు ప్రతిష్ఠాత్మకంగా భావించే ఈ ట్రోఫీకి ముందు ఆస్ట్రేలియాకు భారీ షాక్ .. స్టార్ పేసర్ మిచెల్ స్టార్క్ తొలి టెస్టుకు దూరమయ్యే అవకాశం ఉంది. స్వదేశంలో దక్షిణాఫ్రికాతో జరుగుతున్న బాక్సింగ్ డే టెస్టులో స్టార్క వేలికి గాయం అయింది. కొంత కాలంగా కాలి పిక్కల గాయంతో అతను బాధపడుతున్నాడు. దాంతో, అతను కోలుకునేందుకు మరికాస్త సమయం పట్టేలా ఉంది. ఫిబ్రవరి 9న భారత్తో జరిగే మొదటి టెస్టుకు అతను దూరమయ్యే అవకాశం ఉంది. రెండో టెస్టులో ఆల్రౌండర్ కామెరూన్ గ్రీన్ కుడిచేతి చూపుడు వేలికి గాయమైంది. దాంతో అతను త్వరలోనే సర్జరీ చేయించుకోనున్నాడు. దాంతో, మూడో టెస్టుకు స్టార్క్, గ్రీన్ విశ్రాంతి తీసుకోనున్నారు.
2023 ఫిబ్రవరిలో ఇండియా టూర్లో ఆస్ట్రేలియా నాలుగు మ్యాచ్ల టెస్టు సిరీస్ ఆడనుంది. విశేషం ఏంటంటే.. ఇదే చివరి బోర్డర్- గవాస్కర్ ట్రోఫీ. దాంతో ఇరుజట్లు విజయం సాధించాలనే పట్టుదలతో ఉన్నాయి. ఈ సిరీస్ గెలిచి వరల్డ్ టెస్టు ప్రపంచ ఛాంపియన్షిప్ (డబ్ల్యూటీసీ)ఫైనల్ అవకాశాల్ని మెరుగుపరుచుకోవాలని చూస్తున్నాయి. ప్రస్తుతం డబ్ల్యూటీసీ పాయింట్ల పట్టికలో ఆస్ట్రేలియా (132) అగ్రస్థానంలో ఉంది. భారత్ 99 పాయింట్లతో రెండో స్థానంలో నిలిచింది.