BCCI | ఐదుగుర్ని అడిగితే ఒక్కరికే ఆమోదం.. గంభీర్‌ దూకుడుకు బీసీసీఐ కళ్లెం!

భారత క్రికెట్‌ జట్టుకు కొత్త హెడ్‌కోచ్‌గా నియమితుడైన గౌతమ్‌ గంభీర్‌ దూకుడుకు బీసీసీఐ ఆదిలోనే కళ్లెం వేస్తుందా? అంటే అవుననే సమాధానం వినిపిస్తున్నది.

BCCI | ముంబై: భారత క్రికెట్‌ జట్టుకు కొత్త హెడ్‌కోచ్‌గా నియమితుడైన గౌతమ్‌ గంభీర్‌ దూకుడుకు బీసీసీఐ ఆదిలోనే కళ్లెం వేస్తుందా? అంటే అవుననే సమాధానం వినిపిస్తున్నది. కోచింగ్‌ స్టాఫ్‌ విషయంలో గంభీర్‌కు పూర్తి స్వేచ్ఛనిచ్చారనే వార్తలు గతంలో వినిపించినా అతడు సూచించిన ఐదుగురిలో ఒక్కరికి మాత్రమే ఓటు వేసినట్టు తెలుస్తోంది.

బౌలింగ్‌ కోచ్‌గా దక్షిణాఫ్రికా మాజీ బౌలర్‌ మోర్నీ మోర్కెల్‌, ఫీల్డింగ్‌ కోచ్‌గా జాంటీ రోడ్స్‌,రియాన్‌ టెన్‌ డొస్కటె పేర్లను ప్రతిపాదించగా బీసీసీఐ అందుకు సుముఖంగా లేదట. లక్ష్మీపతి బాలాజీ, వినయ్‌ కుమార్‌ పేర్లనూ బీసీసీఐ తిరస్కరించినట్టు వార్తలు వస్తున్నాయి.

జహీర్‌ ఖాన్‌ వైపు బోర్డు మొగ్గుచూపుతున్నట్టు వినికిడి. ఇప్పటివరకూ గంభీర్‌ సూచించిన వారిలో ఒక్క అభిషేక్‌ నాయర్‌కు తప్ప మిగతా వారిని బీసీసీఐ తిరస్కరించినట్టు బోర్డు వర్గాల భోగట్టా.