Steven Smith | ఓపెన‌ర్‌గా మ‌ళ్లీ ఫ్లాప్.. వార్న‌ర్‌ను మ‌రిపించ‌లేక స్మిత్ అష్ట‌క‌ష్టాలు

Steven Smith : ప్ర‌పంచంలోని అత్య‌త్త‌మ టెస్టు ఆట‌గాడైన స్టీవ్ స్మిత్(Steven Smith) ఓపెన‌ర్ పాత్ర‌లో మాత్రం ఇమ‌డ‌లేక‌పోతున్నాడు. ఈమ‌ధ్యే వీడ్కోలు ప‌లికిన డేవిడ్ వార్న‌ర్(David Warner) స్థానాన్ని భ‌ర్తీ చేయ‌లేక అప‌సోపాలు...

January 26, 2024 / 07:00 PM IST

Steven Smith | ఓపెన‌ర్‌గా మ‌ళ్లీ ఫ్లాప్.. వార్న‌ర్‌ను మ‌రిపించ‌లేక స్మిత్ అష్ట‌క‌ష్టాలు

Steven Smith : ప్ర‌పంచంలోని అత్య‌త్త‌మ టెస్టు ఆట‌గాడైన స్టీవ్ స్మిత్(Steven Smith) ఓపెన‌ర్ పాత్ర‌లో మాత్రం ఇమ‌డ‌లేక‌పోతున్నాడు. సుదీర్ఘ ఫార్మాట్‌లో ఖ‌త‌ర్నాక్ ఇన్నింగ్స్‌ల‌కు కేరాఫ్ అయిన స్మిత్ ఆస్ట్రేలియాకు శుభారంభాలు ఇవ్వ‌లేక చ‌తికిల‌ప‌డ‌తున్నాడు. ఈమ‌ధ్యే వీడ్కోలు ప‌లికిన డేవిడ్ వార్న‌ర్(David Warner) స్థానాన్ని భ‌ర్తీ చేయ‌లేక అప‌సోపాలు ప‌డుతున్నాడు.

టాపార్డ‌ర్‌లో డేవిడ్ భాయ్‌లో విధ్వంస‌క ఇన్నింగ్స్‌లు ఆడ‌డం ఎంత క‌ష్ట‌మో ఇప్పుడు స్మిత్‌కు తెలిసిస్తోంది. పాకిస్థాన్‌తో జ‌రిగిన రెండు టెస్టుల సిరీస్‌లో వ‌రుస‌గా రెండు గోల్డెన్ డ‌క్స్‌.. ఇప్పుడు వెస్టీండీస్‌పై కూడా అదే త‌ర‌హా ఆట‌తో విమ‌ర్శ‌ల‌కు గుర‌వుతున్నాడు. ఇప్పటివ‌ర‌కూ ఆడిన మూడు టెస్టుల్లో ఓపెన‌ర్‌గా స్మిత్ అత్య‌ధిక స్కోర్ 12.

View this post on Instagram

A post shared by Fox Cricket (@foxcricket)

ఇదివ‌ర‌కు స్మిత్ మిడిలార్డ‌ర్‌లో వ‌చ్చేవాడు. నాలుగో స్థానంలో అత‌డు వ‌చ్చేస‌రికి బంతి పాత‌బ‌డేది. అప్పుడు ల‌బూషేన్‌తో క‌లిసి హాయిగా హాఫ్ సెంచ‌రీలు, సెంచ‌రీలు కొట్టేవాడు. టెస్టుల్లో దాదాపు 60 స‌గ‌టు ఉంది. ఇప్ప‌టివ‌ర‌కూ 106 టెస్టులు ఆడిన‌ స్మిత్ 9,537 ర‌న్స్ కొట్ట‌డ‌మే కాకుండా ఏకంగా 32 శ‌త‌కాలు సాధించాడు. కానీ, వార్న‌ర్ వీడ్కోలుతో స్మిత్‌కు ఓపెన‌ర్ చాన్స్ వ‌చ్చింది. బిగ్‌బాష్ లీగ్‌(BBL 2023-24)లో సిడ్నీ సిక్స‌ర్స్ త‌ర‌ఫున ఓపెన‌ర్‌గా ఆడిన అనుభవం అత‌డి సొంతం.

A great review by West Indies to dismiss Smith!

📹 https://t.co/Teypr0gGX5 | #AUSvWI pic.twitter.com/xlVu8r1Bm0

— ESPNcricinfo (@ESPNcricinfo) January 26, 2024

దాంతో, వ‌ర‌ల్డ్ క‌ప్ హీరో ట్రావిస్ హెడ్(Travis Head), మ్యాట్ రెన్‌షా(Matt Renshaw) వంటి కుర్రాళ్లను కాద‌ని సెలెక్ట‌ర్లు స్మిత్‌కు చాన్స్ ఇచ్చారు. కానీ, ఈ ర‌న్ మెషీన్ టెస్టుల్లో కొత్త బంతిని ఎదుర్కోలేక‌పోతున్నాడు. వెస్టిండీస్‌తో జ‌రిగిన‌ రెండు టెస్టుల్లోనూ స్మిత్ స్వ‌ల్ప స్కోర్‌కే వెనుదిరిగి నిరాశ‌ ప‌రిచాడు. ప్ర‌స్తుతానికి ప్ర‌పంచ టెస్టు చాంపియ‌న్‌షిప్(WTC 2023-25) ప‌ట్టిక‌లో టాప్‌లో ఉన్న ఆస్ట్రేలియాకు ఇక‌పై ప్ర‌తి టెస్టు కీల‌క‌మే. అందుని ఓపెన‌ర్‌గా అత‌డిని త‌ప్పించి నాలుగో స్థానానికే పంపిస్తారా? లేదా మ‌రికొన్ని మ్యాచ్‌ల్లో ఓపెనింగ్ చాన్స్ ఇస్తారా? అనేది ఆస‌క్తిక‌రంగా మారింది.