మ్యాక్స్‌వెల్ హాఫ్ సెంచ‌రీ.. ఆఫ్ఘ‌నిస్తాన్ టార్గెట్ 169

Maxwell hitting:భారీ తేడాతో నెగ్గాల్సిన మ్యాచ్‌లో ఆఫ్ఘ‌నిస్తాన్‌కు 169 ప‌రుగుల టార్గెట్‌ను విసిరింది ఆస్ట్రేలియా. టీ20 వ‌ర‌ల్డ్‌క‌ప్‌లో ఇవాళ తొలుత టాస్ గెలిచిన ఆఫ్ఘ‌న్ జ‌ట్టు ఆస్ట్రేలియాను బ్యాటింగ్‌కు ఆహ్వానించింది. అయితే ఆస్ట్రేలి

అడిలైడ్‌: భారీ తేడాతో నెగ్గాల్సిన మ్యాచ్‌లో ఆఫ్ఘ‌నిస్తాన్‌కు 169 ప‌రుగుల టార్గెట్‌ను విసిరింది ఆస్ట్రేలియా. టీ20 వ‌ర‌ల్డ్‌క‌ప్‌లో ఇవాళ తొలుత టాస్ గెలిచిన ఆఫ్ఘ‌న్ జ‌ట్టు ఆస్ట్రేలియాను బ్యాటింగ్‌కు ఆహ్వానించింది. అయితే ఆస్ట్రేలియా ఓపెన‌ర్ గ్రీన్ కేవ‌లం మూడు ప‌రుగుల‌కే నిష్క్ర‌మించాడు. ఆ త‌ర్వాత వార్న‌ర్, మిచెల్ మార్ష‌లు స్కోరు బోర్డును ప‌రుగెత్తించే ప్ర‌య‌త్నం చేశారు. వార్న‌ర్ 25 ర‌న్స్ చేసి క్లీన్ బౌల్డ్ అయ్యాడు. ఇక మార్ష్ కొంత మెరిపించినా.. అత‌ను కూడా 45 ప‌రుగుల వ‌ద్ద ఔట‌య్యాడు.

Australia have set Afghanistan a target of 169 🎯

Can 🇦🇫 chase this down? #AUSvAFG | #T20WorldCup | 📝: https://t.co/p7lkYsES20 pic.twitter.com/0fxFeSBaRP

— ICC (@ICC) November 4, 2022

లోయ‌ర్ మిడిల్ ఆర్డ‌ర్‌లో వ‌చ్చిన మ్యాక్స్‌వెల్ భారీ షాట్ల‌తో అల‌రించాడు. ఆఫ్ఘ‌న్ బౌల‌ర్లు క‌ట్టుదిట్టంగా వేస్తున్నా.. అడ‌పాద‌డ‌పా భారీ షాట్లు ఆడాడు. మ్యాక్స్‌వెల్ 32 బంతుల్లో ఆరు బౌండ‌రీలు, రెండు సిక్స‌ర్ల‌తో 54 ర‌న్స్ చేసి నాటౌట్‌గా నిలిచాడు. హిట్ట‌ర్ స్టోయినిస్ 25 ర‌న్స్ చేశాడు. ఆసీస్ నిర్ణీత ఓవ‌ర్ల‌లో 8 వికెట్ల న‌ష్టానికి 168 ర‌న్స్ చేసింది.

ఒక‌వేళ సెమీస్ చేరాలంటే ఆస్ట్రేలియా బెట‌ర్ ర‌న్‌రేట్‌తో నెగ్గాల్సి ఉంటుంది. అంటే ఆఫ్ఘ‌న్‌ను 106 ప‌రుగుల లోపే ఔట్ చేస్తే, అప్పుడు ఇంగ్లండ్ క‌న్నా బెట‌ర్ ర‌న్‌రేటును ఆస్ట్రేలియా సాధిస్తుంది. ఎందుకంటే ఉత్త‌మ ర‌న్‌రేట్‌తో ఇప్ప‌టికే ఆ గ్రూపు నుంచి న్యూజిలాండ్ సెమీస్‌కు దాదాపు ఎంట్రీ ఖ‌రారు చేసుకున్న‌ది.