యాషెస్‌ సిరీస్‌ షెడ్యూల్‌ విడుదల

మెల్‌బోర్న్‌: క్రికెట్‌ అభిమానులు ఆసక్తిగా ఎదురుచూస్తున్న ఆస్ట్రేలియా, ఇంగ్లండ్‌ మధ్య యాషెస్‌ సిరీస్‌ షెడ్యూల్‌ బుధవారం విడుదలైంది. బ్రిస్బేన్‌ వేదికగా డిసెంబర్‌ 8నుంచి ఆసీస్‌, ఇంగ్లండ్‌ తొలి టెస్టు మ్యాచ్‌తో యాషెస్‌ సిరీస్‌కు తెరలేవనుంది. మూడు రోజుల విరామం తర్వాత అడిలైడ్‌లో డే అండ్‌ నైట్‌ టెస్టు, మెల్‌బోర్న్‌లో బాక్సింగ్‌ డే టెస్టు, సిడ్నీలో న్యూ ఇయర్‌ టెస్టు, జనవరి 14-18 వరకు పెర్త్‌ టెస్టుతో యాషెస్‌ పూర్తి కానుంది. అయితే దీని కంటే ముందు ఆసీస్‌..తొలిసారి ఆఫ్ఘనిస్థాన్‌తో హోబర్ట్‌లో నవంబర్‌ 27 నుంచి ఏకైక టెస్టు మ్యాచ్‌ ఆడనుంది. యాషెస్‌ సిరీస్‌కు సన్నాహంగా భావిస్తున్న కంగారూలు పూర్తి స్థాయి బలగంతో ఆఫ్ఘన్‌తో పోరులో బరిలోకి దిగనున్నారు.