Ravishastri | ఆ మాటలు నాకర్థం కాలేదు.. రవిశాస్త్రిపై మాజీ క్రికెటర్ షాకింగ్ కామెంట్స్

Ravishastri | టీమిండియా మాజీ కోచ్ రవిశాస్త్రిపై మాజీ ఆటగాడు, ప్రముఖ కామెంటేటర్ సంజయ్ మంజ్రేకర్ షాకింగ్ కామెంట్స్ చేశాడు. ఇటీవల విరాట్ కోహ్లీ తన టెస్టు కెప్టెన్సీని వదులుకున్న

టీమిండియా మాజీ కోచ్ రవిశాస్త్రిపై మాజీ ఆటగాడు, ప్రముఖ కామెంటేటర్ సంజయ్ మంజ్రేకర్ షాకింగ్ కామెంట్స్ చేశాడు. ఇటీవల విరాట్ కోహ్లీ తన టెస్టు కెప్టెన్సీని వదులుకున్న సంగతి తెలిసిందే. దీనిపై రవిశాస్త్రి ఆసక్తికర వ్యాఖ్యలు చేశాడు.

వచ్చే టెస్టు సీజన్ అంతా స్వదేశంలో జరగనున్న నేపథ్యంలో.. ఇలా కోహ్లీ తన కెప్టెన్సీ వదులుకోవడం షాకింగ్ నిర్ణయమే అని రవిశాస్త్రి అన్నాడు. అయితే స్వదేశంలో టెస్టులు గెలిచి భారత అత్యుత్తమ టెస్టు కెప్టెన్‌గా కోహ్లీ నిలవడం కొంతమంది జీర్ణించుకోలేరని విమర్శించాడు.

ఈ వ్యాఖ్యలపైనే సంజయ్ మంజ్రేకర్ స్పందించాడు. ఇంతకు ముందు రవిశాస్త్రిపై తనకు గౌరవం ఉండేదని, కానీ ఇప్పుడు ఆయన మీడియా ముందు మాట్లాడే మాటలను సులభంగా ఊహించవచ్చని అన్నాడు. ఆయన మాటల వెనుక ఉన్న ఎజెండా సులభంగా అర్థమవుతోందని విమర్శించాడు.

రవిశాస్త్రి 2.0 తనకు అర్థం కావడం లేదని, కోహ్లీ విషయంలో ఈ కామెంట్స్ క్రికెట్‌కు సంబంధం లేదని, ఒక ఎజెండాతో మాట్లాడుతున్నాడని తెలిసిపోతోందని పేర్కొన్నాడు. అయితే కోహ్లీ మరికొంత కాలం కెప్టెన్‌గా ఉండే అవకాశం ఉందనే విషయాన్ని మాత్రం మంజ్రేకర్ అంగీకరించాడు.