శ్రీ సినిమాతో తెలుగు ప్రేక్షకులను పలుకరించింది మిల్కీ బ్యూటీ తమన్నా. అయితే ఈ సినిమా ఇలా వచ్చి అలా వెళ్లిపోయింది. శేఖర్కమ్ముల డైరెక్షన్లో వచ్చిన హ్యాపీడేస్తో తమన్నా ఆడియెన్స్ కు కనెక్ట్ అయింది. ఈ సినిమాలో తమన్నా పోషించిన మధు పాత్ర తెలుగు ప్రేక్షకులకు ఎప్పటికీ గుర్తుండిపోతుంది. హ్యాపీడేస్ తెచ్చిన గుర్తింపుతో వరుస ఆఫర్లు తమన్నా ఖాతాలో వచ్చి పడ్డాయి. తన గ్లామర్, యాక్టింగ్తో స్టార్ హీరోలతో నటించే అవకాశాన్ని కొట్టేసి..వన్ ఆఫ్ ది లీడింగ్ హీరోయిన్ గా మారిపోయింది.
బాహుబలి, సైరా వంటి ప్రతిష్టాత్మక చిత్రాలతో ఇండియావైడ్గా పాపులారిటీ తెచ్చుకుంది. హ్యాపీడేస్ సినిమాతో తన జీవితానికి హ్యాపీడేస్ అందించిన శేఖర్కమ్ములను చాలా కాలం తర్వాత కలిసింది తమన్నా. శేఖర్కమ్ములతో కలిసి దిగిన ఫొటోలను ఇన్స్టాగ్రామ్లో పోస్ట్ చేసింది.
నేను ఎవరితో ఉన్నానో చూడండి..నా జీవితంలో హ్యాపీ డేస్ ను ప్రారంభించిన వ్యక్తి. త్వరలో విడుదల కానున్న “లవ్ స్టోరీ” కోసం హ్యాపీగా ఎదురుచూస్తున్నారంటూ క్యాప్సన్ ఇచ్చింది తమన్నా. శేఖర్కమ్ముల, తమన్నా స్టిల్స్ ఇపుడు నెట్టింట్లో హల్చల్ చేస్తున్నాయి.
లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణఆండ్రాయిడ్ యాప్ డౌన్లోడ్ చేసుకోండి.