న్యూఢిల్లీ : ఈ ఏడాది సెప్టెంబర్లో కస్టమర్ల ముందుకు రానున్న ఐఫోన్ 14 సిరీస్పై టెక్ ప్రపంచంలో భారీ అంచనాలు నెలకొన్నాయి. ఐఫోన్ 14 ఫీచర్లపై పలు లీకులు వెల్లడవగా తాజాగా తొలిసారిగా బ్యాటరీ గురించిన సమాచారం లీకయింది. ఐఫోన్ 13 సిరీస్తో పోలిస్తే ఐఫోన్ 14 సిరీస్ ఫోన్లు భారీ బ్యాటరీ సామర్ధ్యంతో రానున్నాయని టిప్స్టర్ ష్రింప్యాపిల్ప్రొ తాజా నివేదిక వెల్లడించింది.
ఐఫోన్ 14 3279ఏంఏహెచ్ సెల్, ఐఫోన్ ప్రొ మ్యాక్స్ 4323ఎంఏహెచ్ బ్యాటరీ కెపాసిటీతో రానుండగా ఐఫోన్ 14 ప్రొ 3200ఎంఏహెచ్ బ్యాటరీతో కస్టమర్ల ముందుకు రానున్నాయి. తాజా లీక్ ప్రకారం ఇతర రెండు మోడల్స్ భారీ బ్యాటరీని కలిగిఉంటాయి. ఐఫోన్ 14 మ్యాక్స్ 4325ఎంఏహెచ్ బ్యాటరీ కెపాసిటీతో, ఐఫోన్ ప్రొ మ్యాక్స్ 4323ఎంఏహెచ్ బ్యాటరీ సామర్ధ్యంతో కస్టమర్లను ఆకట్టుకోనున్నాయి.
బ్యాటరీ లైఫ్తో ఐఫోన్ యూజర్లకు ఎదురవుతున్న సమస్యలను దృష్టిలో ఉంచుకున్న యాపిల్ ఐఫోన్ 13తో ఈ సమస్యను కొంత అధిగమించింది. ఐఫోన్ 14 మోడల్స్తో ఐఫోన్ 13 సిరీస్ కంటే మెరుగైన బ్యాటరీ సామర్ధ్యాన్ని ఆఫర్ చేసేందుకు యాపిల్ దృష్టి సారించింది. ఇక ఐఫోన్ 14 సిరీస్ యాపిల్ నెక్ట్స్ జనరేషన్ ఏ16 బయోనిక్ చిప్సెట్తో ఐఓఎస్ 16 అవుటాఫ్ ది బాక్స్పై రన్ అవుతుంది. ఐఫోన్ 13తో పోలిస్తే మెరుగైన కెమెరాలతో ఐఫోన్ 14 సిరీస్ కస్టమర్లను ఆకట్టుకోనుంది.