AI Robot | నిజ‌మైన మ‌నిషిలా మీతో మాట్లాడే ఏఐ రోబో : త్వ‌ర‌లో ఎల్‌జీ న్యూ స్మార్ట్ హోం అసిస్టెంట్ లాంఛ్‌

సీఈఎస్ 2024 వేదిక‌గా న్యూ స్మార్ట్ హోం అసిస్టెంట్‌ను (AI Robot) వెల్ల‌డించేందుకు ఎల్‌జీ ఎల‌క్ట్రానిక్స్ స‌న్నాహాలు చేప‌ట్టింది.

న్యూయార్క్ : సీఈఎస్ 2024 వేదిక‌గా న్యూ స్మార్ట్ హోం అసిస్టెంట్‌ను (AI Robot) వెల్ల‌డించేందుకు ఎల్‌జీ ఎల‌క్ట్రానిక్స్ స‌న్నాహాలు చేప‌ట్టింది. ఇంటి ప‌నుల‌ను చ‌క్క‌దిద్దేందుకు ఈ అసిస్టెంట్ సూప‌ర్ స్మార్ట్ హెల్ప‌ర్‌లా సేవ‌లందించేందుకు ఆర్టిఫిషియ‌ల్ ఇంటెలిజెన్స్ (ఏఐ)ను వాడుతుంది. ఇది చుట్టూ క‌లియ‌తిరుగుతూ, కొత్త విష‌యాలు నేర్చుకుంటూ మ‌నుషులు ఏం చెబుతున్నార‌నేది అర్ధం చేసుకుంటుంది. ఇంట్లో ఎవ‌రూ లేని స‌మ‌యంలో ఈ ఏఐ రోబో పెంపుడు జంతువుల‌ను చూసుకోవ‌డంతో పాటు ఇంటినీ జాగ్ర‌త్త‌గా చూసుకుంటాయి.

చ‌క్రాలు, కాళ్ల‌తో ఈ స్మార్ట్ హోం అసిస్టెంట్‌ను రోబో త‌ర‌హాలో డిజైన్ చేశారు. ఇది త‌న య‌జ‌మాని ఇంట్లో సొంతంగా త‌నే తిరుగుతూ అప్ప‌గించిన ప‌నుల‌ను చ‌క్క‌పెడుతుంది. ఇది మీతో మాట్లాడుతూ త‌న హావఃభావాల‌ను కూడా ప్ర‌ద‌ర్శిస్తుంది. మీరు ఏం చెబుతున్న‌దీ అర్ధం చేసుకోవ‌డంతో పాటు ఇమేజ్‌ల‌ను గుర్తుప‌డుతుంది. మీ మాట‌ల వెనుక అంత‌రార్ధ‌న్ని గ్ర‌హిస్తుంది.

ఇది నిజంగా ఓ మ‌నిషి త‌ర‌హాలో మీతో మాట్లాడుతుంది. ఈ స్మార్ట్ అసిస్టెంట్ మీ ఇంట్లో కంట్రోల్ సెంట‌ర్‌గా వ్య‌వ‌హ‌రిస్తుంది. మీ స్మార్ట్ అప్ల‌య‌న్సెస్‌, డివైజ్‌ల‌ను అన్నింటితో క‌నెక్ట్ అయి వాటిని మేనేజ్ చేస్తుంది. మీరు ఇంట్లో లేని స‌మ‌యంలో లైట్లు ఆప‌డం, మీ పెంపుడు జంతువుల‌ను చూసుకోవ‌డం కూడా చేస్తుంది. క్వాల్‌కాం టెక్నాల‌జీస్ త‌యారుచేసిన శ‌క్తివంత‌మైన సిస్ట‌మ్‌తో ఇది అనుసంధానించ‌బ‌డి ఉంటుంది. దీంతో ఇది ముఖాల‌ను, యూజ‌ర్ల‌ను గుర్తుప‌ట్ట‌డంఒతో పాటు మీ ఇంట్లో టెంప‌రేచ‌ర్‌, ఎయిర్ క్వాలిటీని చెక్ చేసేందుకు ఇది కెమెరా, సెన్స‌ర్ల‌ను క‌లిగిఉంటుంది.

Read More :

Vivo Y28 5G | త్వరలో భారత్ మార్కెట్లోకి వివో వై28 5జీ ఫోన్.. ఇవీ స్పెషిఫికేషన్స్..?!

Bill Gates | ఏఐ టెక్నాల‌జీతో వేగంగా నూత‌న ఆవిష్క‌ర‌ణ‌లు : బిల్ గేట్స్‌