Vikarabad : గోకఫస్లవాద్‌ జెడ్పీహైస్కుల్‌ను సందర్శించిన రాష్ట్ర విద్యాపరిశోధన శిక్షణ సంస్థ

దౌల్తాబాద్‌ : జాతీయ స్థాయిలో ఇన్స్​‍స్పైర్‌ పోటీల్లో విజయం సాధించిన దౌల్తాబాద్‌ మండలం గోకఫస్లవాద్‌ జడ్పీహెచ్‌ఎస్ పాఠశాలను గురువారం రాష్ట్ర విద్యాపరిశోధన శిక్షణ సంస్థ సిబ్బంది సందర్శించారు. సందర్శనలో భాగంగా 9వ తరగతి చదువుతున్న విద్యార్థి దాసరి ఆశోక్‌ జాతీయ స్థాయిలో ఇన్స్​‍స్పైర్‌ పోటీల్లో 3వ స్థానం కైవసం చేసుకోవడంతో అతని ఇంటికి వెళ్లి వారి కుటుంబాన్ని, గైడ్‌ టీచర్‌ను అభినందించారు. సందర్శించిన వారిలో గణితం, విజ్ఞాన శాస్త్రం విభాగం సిబ్బంది ఉమారాణి, సురేష్‌బాబు, జగధీశ్వర్‌రెడ్డి ఉన్నారు.