BRS | కాంగ్రెస్‌ నుంచి బీఆర్‌ఎస్‌ పార్టీలో చేరిన పలువురు యువకులు

గత పదేళ్లలో జరిగిన అభివృద్ధిని చూసి వివిధ పార్టీల నుంచి పెద్ద ఎత్తున బీఆర్‌ఎస్‌ పార్టీలో చేరుతున్నారని అల్వాల్‌ డివిజన్‌ కార్పొరేటర్‌ చింతల శాంతి శ్రీనివాస్‌ రెడ్డి అన్నారు.

అల్వాల్‌ నవంబర్‌ 30 : గత పదేళ్లలో జరిగిన అభివృద్ధిని చూసి వివిధ పార్టీల నుంచి పెద్ద ఎత్తున బీఆర్‌ఎస్‌ పార్టీలో చేరుతున్నారని అల్వాల్‌ డివిజన్‌ కార్పొరేటర్‌ చింతల శాంతి శ్రీనివాస్‌ రెడ్డి అన్నారు. అల్వాల్‌ డివిజన్‌లో జరుగుతున్నఅభివృద్ది చూసి వెంకటారావుపేట కాలనీలో కాంగ్రెస్‌ కార్యకర్తలు సూమరు 50 మంది బీఆర్‌ఎస్‌ పార్టీలో చేరారు. వారికి గులాబీ కండువాలు కప్పి పార్టీలోకి ఆహ్వానించారు.

ఈ సందర్భంగా ఆమె మాట్లాడుతూ డివిజనుకు సంబంధించిన సమస్యలను గుర్తించి వాటిని త్వరగా పరిష్కరిస్తామని హామీ ఇచ్చారు. ఎవరికి ఎలంటి సమస్య ఉన్నా అందుబాటులో ఉంటానని పేర్కొన్నారు. ఈ కార్యక్రమంలో సంతోష్‌, సాయి, సునీల్‌ కుమార్‌, సాయియాదవ్‌, కమల్‌, విశాల్‌, కిరణ్‌, రాజా, కిరణ్‌కుమార్‌ తదితరులు పాల్గొన్నారు.