Social media | సోషల్‌ మీడియాలో అసభ్యకర కంటెంట్‌ ప్రసారంపై కేసు నమోదు

సోషల్‌ మీడియాలో వేదికలో పిల్లలపై లైంగిక దోపిడీ, వేధింపులకు సంబంధించిన కంటెంట్‌ ప్రసారంపై మేడిపల్లి పోలీసులు కేసులు నమోదు చేశారు.

మేడిపల్లి,అక్టోబర్‌ 14 : సోషల్‌ మీడియాలో వేదికలో పిల్లలపై లైంగిక దోపిడీ, వేధింపులకు సంబంధించిన కంటెంట్‌ ప్రసారంపై మేడిపల్లి పోలీసులు కేసులు నమోదు చేశారు. పోలీసులు తెలిపిన వివరాల ప్రకారం.. సిఎస్‌ఈఏం ప్రసారాన్ని అరికట్టేందుకు నేషనల్‌ క్రైమ్‌ రికార్ట్‌ బ్యూరో ఎన్‌సిఎంఈసి అందించిన సమాచారం మేరకు ఇన్‌స్టాగ్రామ్‌ ఖాతాద్వారా చట్ట విరుద్ద కంటెంట్‌ అయినట్లు గుర్తించారు. చాంద్‌మౌని హరిబాబు అనే వ్యక్తి అనుమానితునిగా అతనిపై కేసు నమోదు చేశారు.

డిజిటల్‌ ఆధారాలు, డేటా ఆధారంగా రికార్డులను పరిశీలించి పూర్తి స్తాయి విచారణ చేపడుతామని పోలీసులు తెలిపారు. అదే విధంగా మరో కేసులో ఘట్‌కేసర్‌ మండలం ప్రతాప సింగారం గ్రామానికి చెందిన మోర గణేశ్‌ అనేవ్యక్తి సైతం తన ఫేస్‌బుక్‌ ఖాతాద్వారా పిల్లలకు సంబంధించిన ఆశ్లీల కంటెంట్‌ను ప్రసారం చేసినట్లు గుర్తించి అతనిపై కేసు నమోదు చేశారు.