Bonalu : గోపాల్‌పూర్‌లో ఘనంగా బోనాలు..

పెద్దేముల్‌ : మండల పరిధిలోని గోపాల్‌పూర్‌ గ్రామంలో గ్రామ దేవత ఊరడమ్మ బోనాల పండుగను ఆదివారం గ్రామస్తులు అంగరంగ వైభవంగా నిర్వహించారు. మహిళలు యువతులు అమ్మవారికి బోనాలు, నైవేద్యాలను సమర్పించి మొక్కులను చెల్లించుకున్నారు. ఈ సందర్భంగా గ్రామస్తులు గ్రామ దేవత ఊరడమ్మ అమ్మవారికి భక్తిశ్రద్ధలతో పూజలను నిర్వహిస్తూ బోనాలు, నైవేద్యన్ని సమర్పించారు. ఊరడమ్మ పండుగలో బోనాల ఊరేగింపు, పోతురాజుల విన్యాసాలు, శివసత్తుల పునకాలు అందరిని ఆకట్టుకున్నాయి.

నిర్వహకులు భక్తులకు అన్ని రకాల ఏర్పాట్లు చేశారు. పండుగలో గ్రామ పెద్దలు, మహిళలు, యువకులు, చిన్నారులు ఉత్సాహంగా పాల్గొన్నారు.