Bhatukamma : పాఠశాలలో ఘనంగా బతుకమ్మ వేడుకలు.. ఆడిపాడిన ఉపాధ్యాయులు

కడ్తాల్‌ : మండలంలోని ఫార్చ్యూన్‌ బట్టర్‌ప్లై స్కూల్‌లో బుధవారం బతుకమ్మ వేడుకలు ఘనంగా నిర్వహించారు. ఈ సందర్భంగా స్కూల్‌ చైర్మన్‌ శేషగిరిరావు, వైస్ చైర్మన్‌ రమేశ్‌బాబు మాట్లాడుతూ బతుకమ్మ పండుగ తెలంగాణ సంస్కృతి, సంప్రదాయాలకు ప్రతీక అని, నేటి తరం యువతకు బతుకమ్మ గురించి తెలుపవలిసిన అవసరం మనందరిపైన ఉన్నదని తెలిపారు. దసరా, బతుకమ్మల ప్రాముఖ్యతను విద్యార్థులకు ఉపాధ్యాయులు వివరించారు. అనంతరం విద్యార్థినులు సంప్రదాయక బట్టలు ధరించి, వివిధ రకాల పూలతో పేర్చిన బతుకమ్మలను ప్రత్యేకంగా అలంకరించారు.

విద్యార్థినులు మహిళ ఉపాధ్యాయులతో కలిసి బతుకమ్మ పాటలు ఆలపిస్తూ, ఉషారుగా ఆడిపాడారు. అనంతరం బతుకమ్మలను స్థానిక చెరువులో నిమజ్జనం చేశారు. అంతకుముందు పాఠశాలలో విద్యార్థినులు నిర్వహించిన సాంస్కృతిక కార్యక్రమాలు అలరించాయి. కార్యక్రమంలో పాఠశాల ప్రిన్సిపాల్‌ సంజీవ్‌నాంపల్లి, ఉపాధ్యాయ బృందం, విద్యార్థులు పాల్గొన్నారు.