Suicidal Thoughts: సూసైడ్ ఆలోచనలు ఏ నెలలో ఎక్కువ వస్తున్నాయో తెలుసా.?

ప్రేమలో ఫెయిలయ్యామనో, పరీక్షలో మార్కులు తక్కువ వచ్చాయనో, అనుకున్న రంగంలో ఉద్యోగం సాధించలేదనో యువత సూసైడ్ చేసుకుంటున్నారు. అయితే ఆత్మహత్యలు చేసుకోవాలనే ఆలోచనలు కొన్ని ప్రత్యేక సమయాల్లోనే ఎక్కువగా వస్తున్నాయట.

Suicidal Thoughts: ప్రేమలో ఫెయిలయ్యామనో, పరీక్షలో మార్కులు తక్కువ వచ్చాయనో, అనుకున్న రంగంలో ఉద్యోగం సాధించలేదనో యువత సూసైడ్ చేసుకుంటున్నారు. అయితే ఆత్మహత్యలు చేసుకోవాలనే ఆలోచనలు కొన్ని ప్రత్యేక సమయాల్లోనే ఎక్కువగా వస్తున్నాయట.

నెదర్లాండ్స్‌లోని యూనివర్సిటీ ఆఫ్ ఆమ్‌స్టర్‌డామ్, అమెరికాలోని హార్వర్డ్ యూనివర్సిటీ, బ్రిటన్‌లోని యూనివర్సిటీ ఆఫ్ నాటింగ్‌హమ్‌ స్కూల్‌ ఆఫ్ సైకాలజీ ఆత్మహత్య ఆలోచనలు ఏ నెలలో, ఏ సమయంలో ఎక్కువగా వస్తాయి అనే విషయంపై సంయుక్తంగా పరిశోధనలు చేశాయి. సాధారణంగా ఆలోచన విధానం ఏయే సందర్భాల్లో ఎలా ఉంటుంది.? చనిపోవాలని ఎక్కువగా ఎప్పుడు అనిపిస్తుంది..? ఇలా కొన్ని ప్రశ్నలను తయారు చేశారు. 6సంవత్సరాల పాటు అమెరికా, ట్రిటన్, కెనడాల్లోని 10వేల మంది నుంచి అభిప్రాయాలను సేకరించారు.

ఈ పరిశోధనకు ముందు శీతాకాలంలో ఎక్కువగా ఆత్మహత్యలు జరుగుతాయని భావించారు. కానీ వసంతకాలం లేదా వేసవి మొదట్లో ఆత్మహత్యలు ఎక్కువగా ఉంటున్నాయని ఈ పరిశోధన ద్వారా తేలింది. అంతేకాకుండా తెల్లవారుజామున 4 నుంచి 6 గంటల సమయంలోనే ఎక్కువగా జరుగుతున్నాయని తేలింది. డిసెంబర్ నెలలో ఆత్మహత్య ఆలోచనలు అత్యంత దారుణంగా వస్తున్నట్లు తేలింది. అయితే జూన్‌లో ఇలాంటి ఆలోచనలు చాలా తక్కువగా ఉంటున్నాయని కనుగొన్నారు.