Constable Stabbed | నిజామాబాద్ జిల్లాలో దారుణం.. పోలీస్ కానిస్టేబుల్‌ను హత్య చేసిన దొంగ..!

Constable Stabbed : నిజామాబాద్ జిల్లాలో దారుణం జరిగింది. సీసీఎస్ పోలీసు కానిస్టేబుల్‌ను ఓ నిందితుడు కత్తితో పొడిచి హతమార్చాడు. కత్తితో బలంగా ఛాతిలో పొడవడం వల్ల కానిస్టేబుల్ ప్రమోద్ (Pramod) తీవ్ర గాయాలతో చికిత్స పొందుతూ మృతి చెందాడు.

Constable Stabbed : నిజామాబాద్ జిల్లాలో దారుణం జరిగింది. సీసీఎస్ పోలీసు కానిస్టేబుల్‌ను ఓ నిందితుడు కత్తితో పొడిచి హతమార్చాడు. కత్తితో బలంగా ఛాతిలో పొడవడం వల్ల కానిస్టేబుల్ ప్రమోద్ (Pramod) తీవ్ర గాయాలతో చికిత్స పొందుతూ మృతి చెందాడు. నిజామాబాద్ నాలుగో పోలీస్ స్టేషన్ పరిధిలో మహాలక్ష్మి నగర్‌లో ఈ ఘటన చోటు చేసుకుంది. నాగారం ప్రాంతానికి చెందిన రియాజ్ పలు కేసుల్లో నిందితుడిగా ఉన్నాడు.

చోరీ కేసులో అతడిని కానిస్టేబుల్ ప్రమోద్ అదుపులోకి తీసుకున్నాడు. నిందితుడిని బైక్‌పై ఎక్కించుకుని ఠాణాకు తరలిస్తుండగా.. వినాయక్​నగర్​ మెయిన్ రోడ్డుపైనే కానిస్టేబుల్‌పై రియాజ్ కత్తితో దాడి చేశాడు. ప్రమోద్ ఛాతిలో కత్తితో పొడిచి పారిపోయాడు. గాయాలపాలైన కానిస్టేబుల్‌ను ఆస్పత్రికి తరలించగా.. ఆస్పత్రిలో చికిత్స పొందుతూ తుదిశ్వాస విడిచారు. నిందితుడు రియాజ్‌ను పట్టుకునేందుకు పోలీసులు గాలింపు ముమ్మరం చేశారు.