Bhanswada | ఎర్రమన్నుకుచ్చలో నాటు బాంబులు పేలి ఆరుగురికి తీవ్ర గాయాలు

కామారెడ్డి జిల్లా బాన్సువాడ మండలం తాడ్కోల్ గ్రామపంచాయతీ పరిధిలోనీ ఎర్రమన్ను కుచ్చ కాలనీలోకి ఆదివారం నాటు బాంబులు పేలి ఆరుగురు తీవ్ర గాయాల పాలైన ఘటన చోటుచేసుకుంది.

Bhanswada | బాన్సువాడ రూరల్, నవంబర్ 1 : కామారెడ్డి జిల్లా బాన్సువాడ మండలం తాడ్కోల్ గ్రామపంచాయతీ పరిధిలోనీ ఎర్రమన్ను కుచ్చ కాలనీలోకి ఆదివారం నాటు బాంబులు పేలి ఆరుగురు తీవ్ర గాయాల పాలైన ఘటన చోటుచేసుకుంది. స్థానికుల కథనం ప్రకారం.. ఎర్రమన్ కుచ్చా ప్రాంతానికి చెందిన దాసరి లక్ష్మయ్య ఇంటి వద్ద మోపెడ్‌లో పందుల వేట కోసం నిల్వ ఉంచిన నాటు బాంబులు ప్రమాదవశాత్తు ఒక్కసారిగా పేలినట్లు తెలుస్తోంది. భారీ శబ్దంతో పేలుడు సంభవించడంతో స్థానికులు భయాందోళనకు గురయ్యారు

. ఈ ఘటనలో దాసరి లక్ష్మయ్యతో పాటు మరో ఐదుగురు గాయపడ్డారు. పేలుడులో గాయపడిన వారిని స్థానికులు వెంటనే బాన్సువాడ ప్రభుత్వ ఆస్పత్రికి తరలించారు. ముగ్గురి పరిస్థితి విషమంగా ఉన్నట్లు సమాచారం. విషయం తెలుసుకున్న పోలీసులు ఘటనా స్థలానికి చేరుకుని పరిశీలించారు. పేలుడుకు గల పూర్తి కారణాలు, బాంబుల నిల్వ వెనుక ఉన్న వివరాలపై పోలీసులు ఆరా తీస్తున్నారు. నాటు బాంబులు పేలి భారీ శబ్దం రావడంతో స్థానికులు భయాందోళనకు గురై పరుగులు తీశారు.