Panchayat Elections | మల్లుపల్లిలో ఎన్నికలను బహిష్కరించిన గ్రామస్తులు.. ఎందుకంటే..?

Panchayat Elections : రాష్ట్రవ్యాప్తంగా గ్రామ పంచాయతీ ఎన్నికలకు నామినేషన్ల పర్వం కొనసాగుతున్న వేళ ఓ ఊరి ప్రజలు మాత్రం నిరసన గళం వినిపిస్తున్నారు. గ్రామంలో నెలకొన్న సమస్యలకు పరిష్కారం చూపకుండా నిర్వహించ తలపెట్టిన ఎలక్షన్స్‌ను బహిష్కరించారు.

Panchayat Elections : రాష్ట్రవ్యాప్తంగా గ్రామ పంచాయతీ ఎన్నికలకు నామినేషన్ల పర్వం కొనసాగుతున్న వేళ ఓ ఊరి ప్రజలు మాత్రం నిరసన గళం వినిపిస్తున్నారు. గ్రామంలో నెలకొన్న సమస్యలకు పరిష్కారం చూపకుండా నిర్వహించ తలపెట్టిన ఎలక్షన్స్‌ను బహిష్కరించారు. కామారెడ్డి జిల్లా సదాశివనగర్ మండలంలోని మల్లుపల్లి (Mallupalli) ప్రజలు ఈ సంచలన నిర్ణయం తీసుకున్నారు. మూకుమ్మడిగా ఈ నిర్ణయం తీసుకున్న గ్రామస్తుల మనసు మార్చేందుకు అధికారులు రంగంలోకి దిగారు.

గ్రామంలోని సమస్యలను గాలికి వదిలేయడమే కాకుండా.. జాతీయ రహదారిపై బ్రిడ్జి నిర్మాణం చేపట్టకపోవడంతో మల్లుపల్లి గ్రామస్తులు విసుగు చెందారు. తమ సమస్యలు అధికారుల దృష్టికి రావాలంటే పంచాయతీ ఎన్నికలు బహిష్కరించడమే సరైన నిర్ణయమని భావించారు.

కామారెడ్డి జిల్లా సదాశివనగర్ మండలం మల్లుపల్లిలో పంచాయతీ ఎన్నికలు బహిష్కరించిన గ్రామస్తులు

గ్రామ సమస్యలతో పాటు జాతీయ రహదారిపై బ్రిడ్జి నిర్మాణం చేపట్టకపోవడంతో విసుగు చెంది పంచాయతీ ఎన్నికలు బహిష్కరిస్తూ నిర్ణయం

డిసెంబర్ 11వ తేదీన జరగనున్న పంచాయతీ ఎన్నికలకు సర్పంచ్, వార్డు సభ్యులు… pic.twitter.com/b2spne4Vu2

— Telugu Scribe (@TeluguScribe) November 29, 2025

తమ గ్రామంలో డిసెంబర్ 11వ తేదీన జరగనున్న ఎన్నికలకు సర్పంచ్, వార్డు సభ్యులు నామినేషన్ వేయకుండా శనివారం పంచాయతీ కార్యాలయం ముందు వారంతా ఆందోళనకు దిగారు. ఈ విషయం తెలుసుకున్న అధికారులు మల్లుపల్లి గ్రామానికి చేరుకుని వారితో మాట్లాడి.. బహిష్కరణ నిర్ణయాన్ని వెనక్కి తీసుకోవాలని బుజ్జగించే ప్రయత్నం చేస్తున్నారు.