నిజామాబాద్‌కు రూ.226 కోట్లు

రుణమాఫీలో భాగంగా తొలివిడుత నిజామాబాద్‌ జిల్లాకు రూ.226కోట్లను బ్యాంకుల్లో జమ చేసినట్లు సీఎం రేవంత్‌రెడ్డి వెల్లడించారు. రైతులకు రూ.లక్షలోపు రుణమాఫీ చేసిన సందర్భంగా గురువారం సాయంత్రం హైదరాబాద్‌ నుంచి వీసీలో మాట్లాడారు.

• రుణమాఫీ నిధులు విడుదల చేసినట్లు వీసీలో వెల్లడించిన సీఎం

బోధన్‌, జూలై 18: రుణమాఫీలో భాగంగా తొలివిడుత నిజామాబాద్‌ జిల్లాకు రూ.226కోట్లను బ్యాంకుల్లో జమ చేసినట్లు సీఎం రేవంత్‌రెడ్డి వెల్లడించారు. రైతులకు రూ.లక్షలోపు రుణమాఫీ చేసిన సందర్భంగా గురువారం సాయంత్రం హైదరాబాద్‌ నుంచి వీసీలో మాట్లాడారు. బోధన్‌ పట్టణంలోని వ్యవసాయ మార్కెట్‌ కమిటీ కార్యాలయంలో ఏర్పాటు చేసిన కార్యక్రమంలో రైతులతో సీఎం రేవంత్‌ ముఖాముఖి మాట్లాడారు.

కార్యక్రమంలో బోధన్‌ ఎమ్మెల్యే సుదర్శన్‌రెడ్డి, కలెక్టర్‌ రాజీవ్‌గాంధీ హనుమంతు, మున్సిపల్‌ చైర్‌పర్సన్‌ తూము పద్మావతీశరత్‌రెడ్డి, ట్రైనీ కలెక్టర్‌ సంకేత్‌, ఉర్దూ అకాడమీ చైర్మన్‌ తాహెర్‌ బిన్‌ హందాన్‌, సహకార సంఘాల చైర్మన్‌ మానాల మోహన్‌రెడ్డి, బోధన్‌ ఆర్డీవో అంబదాస్‌ రాజేశ్వర్‌, జిల్లా వ్యవసాయ అధికారి వాజిద్‌ హుస్సేన్‌ తదితరులు పాల్గొన్నారు.

రవీ..అంకాపూర్‌ చికెన్‌ తినిపిస్తావా..

వీడియో కాన్ఫరెన్స్‌లో సీఎం రేవంత్‌రెడ్డితో రైతు మందర్న రవి మాట్లాడారు. రుణమాఫీ చేసిన మీకు రైతులంతా ఎంతో రుణపడి ఉంటారని సీఎంపై ప్రశంసలు కురిపించారు. ఈ సందర్భంగా సీఎం ముసిముసి నవ్వులు నవ్వుతూ.. ‘రవీ ..రైతు రుణమాఫీ చేసినందుకు అంకాపూర్‌ చికెన్‌ తినిపిస్తావా..’ అని అడిగారు. అందుకు రవి ‘తప్పకుండా సార్‌.’ అంటూ సమాధానం ఇచ్చారు.