నేడు బీఆర్‌ఎస్‌ సన్నాహక సమావేశం

పట్టణంలో బీఆర్‌ఎస్‌ పార్టీ సన్నాహక సమావేశం నేడు(బుధవారం) నిర్వహించ నున్నట్లు ఆర్మూర్‌ మాజీ ఎమ్మెల్యే, పార్టీ జిల్లా మాజీ అధ్యక్షుడు ఆశన్నగారి జీవన్‌రెడ్డి మంగళవారం ఏర్పాటు చేసిన సమావేశంలో తెలిపారు. సన్నాహక సమావేశం పట్టణంలోని క్షత్రియ ఫంక్షన్‌ హాలులో ఉదయం 10 గంటలకు నిర్వహించనున్నట్లు పేర్కొన్నారు.

ఆర్మూర్‌టౌన్‌, మే 26: పట్టణంలో బీఆర్‌ఎస్‌ పార్టీ సన్నాహక సమావేశం నేడు(బుధవారం) నిర్వహించ నున్నట్లు ఆర్మూర్‌ మాజీ ఎమ్మెల్యే, పార్టీ జిల్లా మాజీ అధ్యక్షుడు ఆశన్నగారి జీవన్‌రెడ్డి మంగళవారం ఏర్పాటు చేసిన సమావేశంలో తెలిపారు. సన్నాహక సమావేశం పట్టణంలోని క్షత్రియ ఫంక్షన్‌ హాలులో ఉదయం 10 గంటలకు నిర్వహించనున్నట్లు పేర్కొన్నారు. సమావేశంలో బీఆర్‌ఎస్‌ పార్టీ సభ్యత్వ నమోదుతోపాటు స్పెషల్‌ ఇంటెన్సివ్‌ రిజివన్‌(సర్‌) కార్యక్రమంపై అవగాహన కల్పించనున్నట్లు తెలిపారు.

ఈ సమావేశానికి ముఖ్య అతిథులుగా సభ్యత్వ నమోదు ఉమ్మడి జిల్లా ఇన్‌చార్జి, మాజీ ఎమ్మెల్సీ వీజీగౌడ్‌, మాజీ మంత్రి, బాల్కొండ ఎమ్మెల్యే వేముల ప్రశాంత్‌రెడ్డి, రాజ్యసభ మాజీ సభ్యుడు కేఆర్‌ సురేశ్‌రెడ్డి, మాజీ ఎమ్మెల్యేలు బాజిరెడ్డి గోవర్ధన్‌, బిగాల గణేశ్‌గుప్తా, షకీల్‌, జాజాల సురేందర్‌, గంప గోవర్ధన్‌, హన్మంత్‌ షిండే, జడ్పీ మాజీ చైర్మన్‌ దాదన్నగారి విఠల్‌రావు హాజరవుతారని పేర్కొన్నారు. ఆర్మూర్‌ నియోజకవర్గ బూత్‌ అధ్యక్షులు, పార్టీ కార్యకర్తలు తరలిరావాలని జీవన్‌రెడ్డి సూచించారు.