టెల్ అవీవ్: ఇజ్రాయిల్లో అంతర్గత ప్రదేశాల్లో ఫేస్ మాస్క్లు ధరించే నిబంధనలను జూన్ 15 నుంచి ఎత్తివేస్తామని ఆ దేశ ఆరోగ్య మంత్రి యులి ఎడెల్స్టెయిన్ ప్రకటించారు. రాబోయే రోజుల్లో కరోనా కేసుల్లో పెరుగుదల లేకుంటే ఈ నిర్ణయాన్ని అమలు చేస్తామన్నారు. కాగా, దేశంలో కరోనా కేసులు తగ్గిపోవడంతో ఏప్రిల్ 18 నుంచి బహిరంగ ప్రదేశాల్లో ఫేస్మాస్కులు ధరించడంపై ఉన్న నిషేధాన్ని ఇజ్రాయిల్ ఎత్తివేసిన సంగతి తెలిసిందే.
కరోనాకు సంబంధించిన అన్ని రకాల ఆంక్షలను జూన్ 1 నుంచే ఇజ్రాయిల్ ఎత్తివేసింది. కానీ తొమ్మిది దేశాలకు రాకపోకలు, ఆ దేశాల నుంచి వచ్చిన ప్రయాణికులకు క్వారంటైన్, కొవిడ్ టెస్టులు లాంటి నిబంధనలను మాత్రం ఇంకా ఎత్తివేయలేదు. అలాగే, ఆదివారం నుంచే ఆ దేశంలోని 12 -15 ఏళ్ల మధ్య వయస్సు గల టీనేజర్లకు టీకాలు వేయడం ప్రారంభించింది.