TS Inter | తెలంగాణ ఇంట‌ర్ ప‌రీక్ష ఫీజు గ‌డువు పొడిగింపు

హైద‌రాబాద్ : తెలంగాణ ఇంట‌ర్మీడియ‌ట్ బోర్డు ఇంట‌ర్ ప‌రీక్ష ఫీజు గ‌డువును పొడిగించింది. ఇటీవ‌ల వ‌చ్చిన సెల‌వుల దృష్ట్యా, విద్యార్థుల‌ను దృష్టిలో ఉంచుకుని ఈ నిర్ణ‌యాన్ని తీసుకున్న‌ట్లు ఇంట‌ర్ బోర్డు ప్ర‌క‌టించింది.

ఫిబ్ర‌వ‌రి 10వ తేదీ వ‌ర‌కు ఎలాంటి అప‌రాధ రుసుం లేకుండా ప‌రీక్ష ఫీజును స్వీక‌రించ‌నున్నారు. రూ. 200 అప‌రాధ రుసుముతో ఫిబ్ర‌వ‌రి 16 వ‌ర‌కు, రూ. 1000 అప‌రాధ రుసుముతో ఫిబ్ర‌వ‌రి 23 వ‌ర‌కు, రూ. 2 వేల అప‌రాధ రుసుముతో మార్చి 2వ తేదీ వ‌ర‌కు ప‌రీక్ష ఫీజును చెల్లించొచ్చు.