సీఎంఎస్ఎస్‌లో మేనేజర్‌, అకౌంట్స్‌ ఆఫీసర్‌ పోస్టులు

సీఎంఎస్ఎస్‌| కేంద్ర ఆరోగ్యశాఖ ఆధ్వర్యంలో పనిచేస్తున్న సెంట్రల్ మెడికల్ సర్వీసెస్‌ సొసైటీ (సీఎంఎస్ఎస్‌) మేనేజర్‌, అకౌంట్స్‌ ఆఫీసర్‌ పోస్టుల భర్తీకి నోటిఫికేషన్‌ విడుదల చేసింది. అర్హత, ఆసక్తి కలిగిన అభ్యర్థులు

న్యూఢిల్లీ: కేంద్ర ఆరోగ్యశాఖ ఆధ్వర్యంలో పనిచేస్తున్న సెంట్రల్ మెడికల్ సర్వీసెస్‌ సొసైటీ (సీఎంఎస్ఎస్‌) మేనేజర్‌, అకౌంట్స్‌ ఆఫీసర్‌ పోస్టుల భర్తీకి నోటిఫికేషన్‌ విడుదల చేసింది. అర్హత, ఆసక్తి కలిగిన అభ్యర్థులు దరఖాస్తు చేసుకోవాలని కోరించింది. ఆన్‌లైన్‌ దరఖాస్తులు వచ్చేనెల 10 వరకు అందుబాటులో ఉంటాయని వెల్లడించింది. ఎలాంటి రాతపరీక్ష లేకుండా అభ్యర్థులను ఎంపికచేయనుంది. ఎంపికైన వారిని కాంట్రాక్టు ప్రాతిపదికన నియమిస్తుంది.
మొత్తం ఖాళీలు: 9
ఇందులో అకౌంట్స్ ఆఫీసర్ 1, మేనేజర్‌ 8 చొప్పున ఖాళీలు ఉన్నాయి.
అర్హత: బ్యాచిలర్ డిగ్రీతోపాటు అకౌంట్, ఫైనాన్షియల్ అన‌లైటిక‌ల్, కంప్యూట‌ర్ స్కిల్స్‌ తెలిసి ఉండాలి. మేనేజర్‌ పోస్టులకు డిగ్రీలో సైన్స్‌ గ్రూప్‌ చేసి, బీఫార్మసీ, బీటెక్, ఎంబీఏ, బీసీఏ, ఎంసీఏలో ఏదో ఒకటి ఉత్తీర్ణులవ్వాలి. సంబంధిత రంగంలో అనుభవం తప్పనిసరి.
ఎంపిక ప్రక్రియ‌: ఇంట‌ర్వ్యూ ద్వారా
దరఖాస్తు విధానం: ఆఫ్‌లైన్, ఈ-మెయిల్ (cmss.admn2021@gmail.com) ద్వారా
దరఖాస్తులకు చివరి తేదీ: మే 10
వెబ్‌సైట్‌: www.cmss.gov.in