TS TET 2022 | టెట్ హాల్‌టికెట్ల‌లో త‌ప్పులున్నాయా..? అయితే మార్చుకునేందుకు అవ‌కాశం

TS TET 2022 | ఉపాధ్యాయ అర్హత పరీక్ష (TET) హాల్‌‌టి‌కెట్లు సంబంధిత వెబ్‌సైట్‌లో అందు‌బా‌టులోకి ఉన్నాయి. అయితే మీ టెట్ హాల్‌టికెట్ల‌లో త‌ప్పులుంటే, వాటిని స‌రిదిద్దుకునేందుకు అధికారులు అవ‌కాశం క‌ల్పించారు. అభ్య‌ర్థి పేరులో అక్ష‌ర దోషాలు, త‌ల్లిదండ్రుల పేర్ల‌లో త‌ప్పులు, పుట్టిన తేదీ, కులం, జెండ‌ర్, డిసెబులిటీ లాంటి వివ‌రాల్లో త‌ప్పులున్న‌చో నామినల్ రోల్ క‌మ్ ఫోటో ఐడెంటీలో స‌రిచేసుకోవ‌చ్చు. ఒక వేళ మీ హాల్ టికెట్‌పై ఫోటో, సంత‌కం స‌రిగా లేక‌పోయిన‌, పూర్తిగా లేక‌పోయిన‌.. అలాంటి అభ్య‌ర్థులు ఇటీవ‌ల దిగిన ఫోటోపై గెజిటెడ్ ఆఫీస‌ర్ సంత‌కం చేయించుకొని, జిల్లా విద్యాశాఖ అధికారిని సంప్ర‌దించాలి. జిల్లా విద్యాశాఖ అధికారి ప‌రిశీల‌న అనంత‌రం అభ్య‌ర్థిని ఎగ్జామ్ సెంట‌ర్ల‌లోకి అనుమ‌తించ‌నున్నారు.

అభ్య‌ర్థి ఐడీ నంబ‌ర్, పుట్టిన తేదీ లేదా మొబైల్ నంబ‌ర్ ద్వారా అభ్యర్థులు తమ హాల్‌‌టి‌కె‌ట్లను www.tstet.cgg.gov.in అనే వెబ్‌సైట్ నుంచి డౌన్‌‌లోడ్‌ చేసు‌కో‌వ‌చ్చు. ఈ నెల 12న ఉదయం 9.30 నుంచి మధ్యాహ్నం 12 గంటల వరకు పేపర్‌- 1, మధ్యాహ్నం 2.30 నుంచి సాయంత్రం 5 గంటల వరకు పేపర్‌- 2 పరీక్ష నిర్వహించనున్నారు. అన్ని జిల్లాల్లో పరీక్షా కేంద్రా‌లను ఏర్పాటు చేశారు. పేపర్‌- 1కు 3,51,468 మంది, పేపర్‌- 2కు 2,77,884 మంది అభ్యర్థులు హాజ‌రు‌కా‌ను‌న్నారు.

ఈసారి టెట్ అర్హతలు, నిర్వహణకు సంబంధించి కొన్ని మార్పులు చేశారు. గతంలో బీఈడీ అభ్యర్థులు టెట్ పేపర్ 2 మాత్రమే రాసే అవకాశం ఉండేది. డిప్లొమా అభ్యర్థులు టెట్ పేపర్ 1 రాసేవారు. కానీ ఈసారి బీఈడీ అభ్యర్థులు కూడా టెట్ పేపర్ 1 రాయడానికి అవకాశం కల్పించారు.