‘వీర్ సావర్కర్’ సినిమాను ప్ర‌క‌టించిన సందీప్‌, అమిత్ వాద్వానీ

ప్ర‌ముఖ స్వాతంత్ర్య స‌మ‌ర‌యోధుడు వీర్‌ సావ‌ర్క‌ర్ 138 వ జయంతిని పుర‌స్క‌రించుకుని ఆయ‌న‌ బయోపిక్ 'వీర్‌ సావర్కర్' ను నిర్మిస్తున్న‌ట్లు నిర్మాత‌లు సందీప్ సింగ్, అమిత్ వాద్వానీ ప్ర‌క‌టించారు

May 28, 2021 / 01:22 PM IST

‘వీర్ సావర్కర్’ సినిమాను ప్ర‌క‌టించిన సందీప్‌, అమిత్ వాద్వానీ

ముంబై : ప్ర‌ముఖ స్వాతంత్ర్య స‌మ‌ర‌యోధుడు వీర్‌ సావ‌ర్క‌ర్ 138 వ జయంతిని పుర‌స్క‌రించుకుని ఆయ‌న‌ బయోపిక్ ‘ వీర్‌ సావర్కర్’ ను నిర్మిస్తున్న‌ట్లు నిర్మాత‌లు సందీప్ సింగ్, అమిత్ వాద్వానీ ప్ర‌క‌టించారు. ఈ సినిమాకు డైరెక్ట‌ర్ా మ‌హేశ్ మంజ్రేక‌ర్‌. ఈ చిత్రం షూటింగ్ లండన్, అండమాన్ లో జరిపేలా ప్లాన్ చేసిన‌ట్లు వారు వెల్ల‌డించారు. దేశం కోసం స‌ర్వస్వాన్ని ధారోబోసిన వీర‌సావ‌ర్క‌ర్ జీవితాన్ని భావి త‌రాల‌కు అందించాల‌నే త‌ప‌న‌తో ఈ సినిమా నిర్మాణానికి శ్రీ‌కారం చుట్టిన‌ట్లు నిర్మాత‌లు చెప్పారు.

“వీర్ సావర్కర్ గురించి పూర్తి నిజాలు ప్రజలకు తెలియదని భావిస్తున్నాను. స్వాతంత్య్ర సంగ్రామంలో ముఖ్యమైన భాగం పోషించారు. అతని జీవితం, ప్రయాణం గురించి సంగ్రహావలోకనం ఇవ్వడమే మా ప్రయత్నం అని నిర్మాత సందీప్ సింగ్ తెలిపారు. “ఒక స్వాతంత్య్ర సమరయోధుడిపై సినిమా చేస్తున్నందుకు చాలా ఆనందంగా ఉన్నది. ప్రతి ఒక్కరికీ చెప్పవలసిన అనేక విష‌యాలు ఈ సినిమాలో ఉన్నాయి” అని మ‌రో నిర్మాత అమిత్ వాద్వానీ తెలిపారు. “వీర్ సావర్కర్ జీవితం న‌న్ను ఎంత‌గానే ఆకర్షించింది. దర్శకుడిగా ఈ సినిమా నాకు సవాలుగా ఉంటుందని నాకు తెలుసు” అని ద‌ర్శ‌కుడు మ‌హేశ్ మంజ్రేక‌ర్ పేర్కొన్నారు.