4 కోట్లకు చేరువలో టీకాలు

• రాష్ట్రంలో 205 కొవిడ్‌ కేసులు

హైదరాబాద్‌, డిసెంబర్‌ 8 (నమస్తే తెలంగాణ): రాష్ట్రంలో కొవిడ్‌ టీకాల పంపిణీ 4 కోట్ల డోసులకు చేరువైంది. బుధవారం నాటికి 3.99 కోట్లకుపైగా డోసులు వేసినట్టు వైద్యారోగ్యశాఖ వెల్లడించింది. కాగా, రాష్ట్రంలో బుధవారం కొత్తగా 205 కేసులు నమోదయ్యాయి. 185 మంది కోలుకొని డిశ్చార్జి అయ్యారు. ప్రస్తుతం ఇండ్లు, దవాఖానల్లో 3,871 మంది చికిత్స పొందుతున్నారు. బుధవారం అత్యధికంగా జీహెచ్‌ఎంసీ పరిధిలో 79, హన్మకొండ 19, మేడ్చల్‌ మల్కాజిగిరి 14, రంగారెడ్డి జిల్లాలో 13 కేసులు వెలుగు చూశాయి.

• కొవిడ్‌ రిస్క్‌ ఎక్కువగా ఉన్న దేశాల నుంచి బుధవారం హైదరాబాద్‌ అంతర్జాతీయ విమానాశ్రయానికి 345 మంది ప్రయాణికులు వచ్చారు. ఆర్టీపీసీఆర్‌ పరీక్షల్లో వీరందరికీ నెగెటివ్‌ రిపోర్టు వచ్చింది.
• రాష్ట్రవ్యాప్తంగా ప్రభుత్వ, ప్రైవేట్‌ దవాఖానల్లో కలిపి మొత్తం 55,442 పడకలు ఉన్నాయి. వీటిలో 1,251 పడకలు నిండాయి. ఇంకా 54,191 అందుబాటులో ఉన్నాయి.
• రాష్ట్రంలో బుధవారం 3.09 లక్షల కొవిడ్‌ టీకాలు వేశారు. దీంతో ఇప్పటివరకూ పంపిణీ చేసిన మొత్తం టీకాల సంఖ్య 3.99 కోట్లు దాటింది. ప్రస్తుతం రాష్ట్రంలో 58.35 లక్షల డోసుల కరోనా టీకాలు అందుబాటులో ఉన్నట్టు వైద్యారోగ్యశాఖ వెల్లడించింది. వీటిలో 44.35 లక్షల కొవిషీల్డ్‌ డోసులు, 14 లక్షల కొవాగ్జిన్‌ డోసులు ఉన్నట్టు తెలిపింది.

రాష్ట్రంలో వ్యాక్సినేషన్‌ వివరాలు
టీకా: బుధవారం :మొత్తం
మొదటి డోస్‌ :1,67,597 :2,60,47,829
రెండో డోస్‌ :1,41,959 :1,38,73,984
మొత్తం :3,09,556: 3,99,21,813