భారత్‌కు 10 వేల ఆక్సిజ‌న్ కాన్స‌న్‌ట్రేట‌ర్ల‌ను పంపిన ఐరాస‌

కరోనా వైరస్ మహమ్మారిని ఎదుర్కోవటానికి ఐక్యరాజ్య సమితి యొక్క వివిధ ఏజెన్సీలు 10,000 ఆక్సిజన్ కాన్స‌న్‌ట్రేట‌ర్లు, 10 మిలియన్ల మాస్కుల‌ను భారతదేశానికి పంపింది

May 7, 2021 / 05:45 PM IST

భారత్‌కు 10 వేల ఆక్సిజ‌న్ కాన్స‌న్‌ట్రేట‌ర్ల‌ను పంపిన ఐరాస‌

జెనీవా : కరోనా వైరస్ మహమ్మారిని ఎదుర్కోవటానికి ఐక్యరాజ్య సమితి యొక్క వివిధ ఏజెన్సీలు 10,000 ఆక్సిజన్ కాన్స‌న్‌ట్రేట‌ర్లు, 10 మిలియన్ల మాస్కుల‌ను భారతదేశానికి పంపింది. ఐక్యరాజ్య సమితి బృందాలు జాతీయ, స్థానిక స్థాయిలో అధికారులతో సహకరిస్తున్నాయని యూఎన్ సెక్రటరీ జనరల్ ప్రతినిధి స్టీఫెన్ దుజారిక్ మీడియా సమావేశంలో వెల్ల‌డించారు. ఐక్యరాజ్య సమితి బృందం వెంటిలేటర్ల‌తోపాటు ఆక్సిజన్ ఉత్పత్తి ప్లాంటును కూడా కొనుగోలు చేసింది. అలాగే, యురోసెఫ్ కరోనా వ్యాక్సిన్ కోసం కోల్డ్ చైన్ పరికరాలను కూడా అందిస్తున్న‌ది.

మ‌హ‌మ్మారిని ఎదుర్కోవడంలో సహాయపడటానికి వేలాది మంది ప్రజారోగ్య నిపుణులను యూఎన్ నియ‌మించింది. 1,75,000 టీకాల కేంద్రాలను పర్యవేక్షించడానికి యునిసెఫ్, ఐక్యరాజ్యసమితి అభివృద్ధి కార్యక్రమం సహాయం చేస్తున్నాయి. భారతదేశంలో కరోనా వైరస్ ప్రమాదకరమైన పరిస్థితిని యునిసెఫ్ ఎగ్జిక్యూటివ్ డైరెక్టర్ హెన్రిటా ఫోర్ ముందే హెచ్చరించారు.

క‌రోనా నేప‌థ్యంలో ఈ మధ్యకాలంలో దేశవ్యాప్తంగా తొమ్మిదిన్నర మిలియన్లకు పైగా కరోనా వ్యాక్సిన్ల‌ను పంపిణీ చేయడంలో విమానాశ్రయాలు ప్రత్యేక పాత్ర పోషించాయని భార‌త ఎయిర్‌పోర్ట్ అథారిటీ (ఏఏఐ) పేర్కొన్న‌ది. టీకా సరుకులను వృధా చేయకుండా ఉండటానికి కలిసి పనిచేయడం, కోల్డ్ చైన్‌ను నిర్వహించడానికి వీలైనంత తక్కువ సమయంలో వాటిని రాష్ట్ర ఆరోగ్య శాఖకు అప్పగిస్తున్న‌ట్లు తెలిపింది. విమానం ల్యాండ్ అయిన మూడు నుంచి 20 నిమిషాల్లోనే వ్యాక్సిన్ల ను సంబంధిత విభాగాలకు అప్పగించేలా చ‌ర్య‌లు తీసుకుంటున్న‌ట్లు ఏఏఐ పేర్కొన్న‌ది.