Kalyanalaxmi : ఆడబిడ్డలకు అండగా టీఆర్ఎస్ ప్రభుత్వం: ఎమ్మెల్యే సుంకె రవిశంకర్

ఆడబిడ్డలకు అండగా టీఆర్ఎస్ ప్రభుత్వం నిలుస్తుందని చొప్పదండి ఎమ్మెల్యే సుంకె రవిశంకర్ అన్నారు.

ఇల్లందకుంట: ఆడబిడ్డలకు అండగా టీఆర్ఎస్ ప్రభుత్వం నిలుస్తుందని చొప్పదండి ఎమ్మెల్యే సుంకె రవిశంకర్ అన్నారు. హుజూరాబాద్ నియోజకవర్గం ఇల్లందకుంట మండలం టేగుర్తి గ్రామంలో కల్యాణ లక్ష్మి చెక్కులు పంపిణీ కార్యక్రమానికి ఆయన ముఖ్యఅతిథిగా హాజరయ్యారు. టేగుర్తి గ్రామానికి చెందిన మోటపోతుల రేణుక, తోడేటి కొమురమ్మ, నర్ర సులోచన (భోగంపాడు గ్రామం)కు చెక్కులను అందజేశారు. ఈ సందర్భంగా ఎమ్మెల్యే సుంకె రవిశంకర్ మాట్లాడుతూ.. ఆడబిడ్డలకు టీఆర్ఎస్ ప్రభుత్వం అండగా నిలుస్తుందని అన్నారు. సంక్షేమ పథకాల అమలులో తెలంగాణ రాష్ట్రం దేశానికే ఆదర్శంగా నిలుస్తుందని పేర్కొన్నారు.