Story competition | కథల పోటీలో ప్రతిభ చాటిన పావని

మాణిక్యపురానికి చెందిన బి పావని...బాల చెలిమి.. కథల పోటీలో పాల్గొని బహుమతి పొందడం పాటు ఆ మాస పత్రికలో 14వ స్థానంలో కథను ప్రచురించేందుకు స్థానం సంపాదించుకుంది.

లింగాల గణపురం, అక్టోబర్ 29 : జనగామ జిల్లా లింగాల గణపురం మండలం మాణిక్యపురానికి చెందిన బి పావని…బాల చెలిమి.. కథల పోటీలో పాల్గొని బహుమతి పొందడం పాటు ఆ మాస పత్రికలో 14వ స్థానంలో కథను ప్రచురించేందుకు స్థానం సంపాదించుకుంది. వివరాల్లోకి వెళితే..మాణిక్యపురానికి చెందిన పావని లింగాల గణపురం లోని మోడల్ స్కూల్లో పదో తరగతి చదువుతోంది. బాల చెలిమి కథల పోటీలు నిర్వహించగా ఏపీ, తెలంగాణ రాష్ట్రాల నుంచి 252 మంది విద్యార్థులు కథల పోటీలో పాల్గొన్నారు.

ప్రముఖ బాల సాహితీవేత్తలు అమరవాది నీరజ,జొన్నలగడ్డ శ్యామల, కాంచన పెళ్లి వెంకట కృష్ణారావు బృందం ఈ కథలను అన్నింటిని క్షుణ్ణంగా పరిశీలించారు. పావని రాసిన పచ్చని చెట్టు తల్లి కథను 14వ స్థానంలో గుర్తించి బహుమతిని అందించడంతోపాటు బాల చెలిమి మాస పత్రికలో ప్రచూరించేందుకు స్థానం దక్కించుకుంది. విద్యార్థిని పావనిని మోడల్ స్కూల్ ప్రిన్సిపల్ సునీత, ఉపాధ్యాయ బృందం, గ్రామస్తులు పావనిని అభినందించారు.