Tamim Iqbal : వన్డే వరల్డ్ కప్(ODI World Cup 2023) ముందు బంగ్లాదేశ్ స్టార్ ఆటగాడు తమీమ్ ఇక్బాల్ (Tamim Iqbal) మరో సంచలన నిర్ణయం తీసుకున్నాడు. వన్డే కెప్టెన్(ODI Captain)గా తప్పుకుంటున్నట్టు ఈరోజు ప్రకటించాడు. ఈమధ్యే అంతర్జాతీయ క్రికెట్కు వీడ్కోలు నిర్ణయాన్ని వెనక్కి తీసుకున్న తమీమ్ సారథిగా వైదొలిగాడు.
‘వన్డే కెప్టెన్గా తప్పుకుంటున్నా. ఆటగాడిగా కొనసాగుతూ నా గేమ్పై మరింత దృష్టి పెట్టాలని అనుకుంటున్నా. అవకాశం వచ్చిన ప్రతిసారి నా అత్యుత్తమ ప్రదర్శన చేస్తాను’ అని తమీమ్ ఓ ప్రకటనలో తెలిపాడు. దాంతో, బంగ్లా నూతన సారథిగా లిట్టన్ దాస్(Litton Das) ఎంపికయ్యే అవకాశం ఉంది.
తమీమ్ ఇక్బాల్
తమీమ్ 2007లో వన్డేల్లో ఆరంగేట్రం చేశాడు. అనతి కాలంలోనే బంగ్లాదేశ్ తరఫున అన్ని ఫార్మాట్లలో ఉత్తమ బ్యాటర్గా ఎదిగాడు. పసికూనగా అంతర్జాతీయ క్రికెట్లో అడుగుపెట్టిన బంగ్లా.. పెద్ద జట్లకు షాక్ ఇవ్వడంలో తమీమ్ పాత్ర ఎంతో ఉంది. మరో విషయం ఏంటంటే.. అతనికి టీమిండియా(Team India)పై ఘనమైన రికార్డు ఉంది. అవును.. అతడి 56 అర్ధ శతకాల్లో భారత్పై చేసినవే ఎక్కువ.