పెళ్లి సంద‌డి బ్యూటీ వెనుక‌ప‌డుతున్న డైరెక్ట‌ర్లు.. ఇదే జోరు కొన‌సాగితే స్టార్ హీరోయిన్ కావ‌డం ప‌క్కా!!

January 29, 2022 / 04:27 PM IST

Sreeleela upcoming projects | ద‌ర్శ‌కేంద్రుడు కే రాఘ‌వేంద్రరావు ప‌ర్య‌వేక్ష‌ణ‌లో న‌టుడు శ్రీకాంత్ త‌న‌యుడు రోష‌న్ హీరోగా తెర‌కెక్కిన చిత్రం పెళ్లి సంద‌డి. ఈ సినిమాలో శ్రీలీల హీరోయిన్‌గా న‌టించింది. గ‌తేడాది ద‌సరాకు విడులైన ఈ సినిమా మంచి వ‌సూళ్ల‌ను సాధించింది. ముఖ్యంగా శ్రీలీల న‌ట‌న‌, గ్లామ‌ర్ కోస‌మైనా కుర్ర‌కారు థియేట‌ర్ల‌కు ప‌రుగులు పెట్టారు. ఈ ఒక్క సినిమాతో శ్రీలీల ఇప్పుడు బిజియెస్ట్ హీరోయిన్‌గా మారిపోయింది. యంగ్ డైరెక్ట‌ర్స్ త‌మ సినిమాలో శ్రీల‌ల‌నే హీరోయిన్‌గా ఉండాల‌ని అనుకుంటున్నారు. దీంతో ఈమెకు అవ‌కాశాలు వ‌రుస‌గా క్యూ కడుతున్నాయి. దీంతో ఇప్ప‌టికే శ్రీలీల నాలుగు సినిమాల‌ను లైన్‌లో పెట్టింది.

ప్ర‌స్తుతం న‌వీన్ పోలిశెట్టి న‌టిస్తున్న అన‌గ‌న‌గా ఒక రాజు సినిమాలో శ్రీలీల హీరోయిన్‌గా న‌టిస్తుంది. దీంతోపాటు రౌడీ బాయ్స్ సినిమాతో మెప్పించిన ఆశిష్ రెడ్డి త‌దుప‌రి చిత్రం సెల్ఫిష్‌, మెగా మేన‌ల్లుడు వైష్ణ‌వ్ తేజ్ సినిమాలో హీరోయిన్‌గా న‌టించ‌నుంది. ఇక ఇప్ప‌టికే త్రినాథ్ రావు న‌క్కిన ద‌ర్శ‌క‌త్వంలో మాస్ మ‌హారాజా ర‌వితేజ న‌టిస్తున్న ధ‌మాకా సినిమాలో సెకండ్ హీరోయిన్‌గా క‌న్ఫార్మ్ అయింది. ఇవే కాకుండా త‌మిళంలో కూడా ఒక సినిమాకు సైన్ చేసింద‌ని స‌మాచారం. ఇదే జోరు కొనసాగి ఈ సినిమాలు స‌క్సెస్ అయితే వ‌చ్చే రెండు మూడేండ్ల‌లో శ్రీలీల స్టార్ హీరోయిన్ల జాబితాలో నిల‌వ‌డం ఖాయంగా కనిపిస్తుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి