కొన్ని ఆహార పదార్థాలు అధిక కొవ్వును కరిగించి బరువు పెరగకుండా చూస్తాయి. ఆరోగ్యాన్ని కంటికిరెప్పలా కాపాడుతాయి. అలాంటి ఓ ఆరు అద్భుతాలు..
తెల్లసొనలో ప్రొటీన్ ఎక్కువ. పసుపు సొనలో మాత్రం కార్బొహైడ్రేట్లు, కొవ్వులు, విటమిన్లు, మినరల్స్ అధికం. ప్రొటీన్ల వినియోగానికి ఎక్కువ శక్తి కావాలి. కాబట్టి, గుడ్డు ఎక్కువగా తింటే.. ఎక్కువ శక్తి వినియోగమై, సహజంగానే బరువు తగ్గే ఆస్కారం ఉంటుంది. అందుకే పండ్లు, కూరగాయలతో పాటు కోడిగుడ్లలోని తెల్లసొననూ తీసుకోవాలి.
ఇవి మనకు అవసరమైన ఫ్యాటీ ఆమ్లాలు. జీవక్రియలను మెరుగు పరచడం ద్వారా శరీరంలో పేరుకున్న కొవ్వుతో పాటు రక్తంలోని కొవ్వును కూడా నార్మల్ చేస్తాయి. మాకెరల్, ట్యూనా, సాల్మన్ లాంటి చేపల్లో ఒమేగా-3 ఫ్యాటీ ఆమ్లాలు ఎక్కువ. అవిసె గింజలు, వాటి నూనెలోనూ ఎక్కువే. సన్నబడాలంటే ఒమేగా- 3 ఫ్యాటీ ఆమ్లాలను ఆహారంలో భాగం చేసుకోవాలి.
ముడి ధాన్యాల్లో ప్రొటీన్లు, కార్బొహైడ్రేట్లు, ఫ్యాట్స్, విటమిన్లు, మినరల్స్, ఫైబర్.. అన్నీ కలిపి ఉంటాయి. రాజ్మా, శనగ, బొబ్బర్లు, పెసలను రాత్రంతా నానబెట్టి, పొద్దున ఉడికించి తీసుకుంటే మంచి ఫలితం ఉంటుంది. నానబెట్టడం వల్ల గ్యాస్ సమస్య రాదు. ఉడికించడం వల్ల బాగా జీర్ణమవుతాయి. వీటిలో ఫైబర్ ఎక్కువ. దీంతో ఓ పట్టాన ఆకలి కాదు. రక్తంలోని షుగర్స్, ఫ్యాట్స్ కంట్రోల్లో ఉంటాయి.
ధాన్యాలు, చిరుధాన్యాలు, పప్పులలో లేని ప్రత్యేక ఫైబర్ వీటిలో ఉంటుంది. రక్తంలోని కొవ్వును తగ్గించడమే కాదు, శరీర బరువునూ నియంత్రిస్తాయి. అయితే, ఓట్స్కు వెన్న, నెయ్యి లాంటివి కలపొద్దు. ఉడికించి కూరగాయ ముక్కలు లేదా పాలు కలిపి కానీ, ఉప్పూ మిరియాల పొడి చల్లుకుని కానీ తినాలి.
ఆకలి లేకుండా చేసి, తినాలన్న కోరికను తగ్గించడంలో బాదం ముందుంటుంది. వీటిలో పిండి పదార్థాలు, ప్రొటీన్, అవసరమైన కొవ్వు, ఫైబర్, మినరల్స్, విటమిన్స్ సమృద్ధిగా లభిస్తాయి. ప్రతి బాదం గింజా ఓ పోషకాల పవర్హౌజే. వీటిలోని ఆవశ్యక కొవ్వు ఆమ్లాలు చెడు కొలెస్ట్రాల్ను సమర్థంగా నియంత్రిస్తాయి.
కేలరీలను తగ్గించుకోవడానికి ఇవి ఉత్తమ మార్గం. వీటిలో విటమిన్లు, మినరల్స్, ఫైబర్ ఎక్కువ. ఆలుగడ్డ, అరటి లాంటివి కొవ్వును పెంచుతాయంటారు. అది అపోహ మాత్రమే. ఇతర కూరగాయలు, పండ్లతో పోలిస్తే వీటిలో కొంచెం ఎక్కువ కేలరీలు ఉంటాయంతే. బరువు తగ్గాలనుకునేవారు డైట్లో వీటిని కూడా చేర్చుకోవచ్చు.
మయూరి
న్యూట్రిషనిస్టు
వ్యవస్థాపకులు, ట్రూడైట్