డిస్మిస్డ్‌ కార్మికుల పునర్నియామకానికి దరఖాస్తులు

దీర్ఘకాలిక గైర్హాజరు కారణంగా విధుల నుంచి తొలగించబడిన సింగరేణి కార్మికుల పునర్నియామకంపై సింగరేణి సంస్థ కీలక ఉత్తర్వులిచ్చింది.

హైదరాబాద్‌, నవంబర్‌ 3 (నమస్తే తెలంగాణ) : దీర్ఘకాలిక గైర్హాజరు కారణంగా విధుల నుంచి తొలగించబడిన సింగరేణి కార్మికుల పునర్నియామకంపై సింగరేణి సంస్థ కీలక ఉత్తర్వులిచ్చింది. డిస్మిస్డ్‌ కార్మికులను తిరిగి ఉద్యోగంలోకి తీసుకునేందుకు దరఖాస్తులు ఆహ్వానించింది.

అర్హులైన వారు ఈ నెల 14లోపు దరఖాస్తులు చేసుకోవాలని సూచించింది. 2023 జనవరి 1 నుంచి 2025 డిసెంబర్‌ 31 వరకు గైర్హాజరు కారణంగా తొలగించబడిన వారు దరఖాస్తులు చేసుకోవాలని స్పష్టంచేసింది. దరఖాస్తుదారులు 2026 ఏప్రిల్‌ 1నాటికి 46 ఏండ్లలోపు ఉండాలని పేర్కొన్నది.