Gadapa Song | ‘ఇడుపు కాయితం’ నుంచి సెకండ్ సింగిల్ ‘గడప’ పాట విడుద‌ల‌

టాలీవుడ్ కథానాయకుడు ప్రియదర్శి (Priyadarshi Pulikonda) హీరోగా, తెలంగాణ జానపద గాయని నాగదుర్గ (Naga Durga) హీరోయిన్‌గా నటిస్తున్న తాజా చిత్రం ‘ఇడుపు కాయితం’.

Gadapa Song |టాలీవుడ్ కథానాయకుడు ప్రియదర్శి (Priyadarshi Pulikonda) హీరోగా, తెలంగాణ జానపద గాయని నాగదుర్గ (Naga Durga) హీరోయిన్‌గా నటిస్తున్న తాజా చిత్రం ‘ఇడుపు కాయితం’. ప్రముఖ నిర్మాత బన్నీ వాస్ నిర్మాణంలో సుకుమార్ రైటింగ్స్ – బన్నీ వాస్ వర్క్స్ బ్యానర్లపై ఈ సినిమా తెరకెక్కుతోంది. వంశీరెడ్డి దొండపాటి ఈ చిత్రానికి దర్శకత్వం వహిస్తున్నారు.

ఈ సినిమా నుంచి ఇప్ప‌టికే విడుద‌లైన మొదటి సాంగ్ ‘శ్రీలత.. ఈ శ్రీనివాసుడే నీ జత..’ పాట ప్ర‌స్తుతం వైర‌ల‌వుతుండ‌గా తాజాగా సెకండ్ సింగిల్‌ను చిత్ర‌బృందం విడుద‌ల చేసింది. ఈ సినిమా నుంచి సెకండ్ సింగిల్ గ‌డ‌ప పాట‌ను విడుద‌ల చేయ‌గా.. పెళ్లైన అనంత‌రం కొత్త కోడ‌లు ఇంటికి వ‌చ్చిన నేప‌థ్యంలో ఈ పాట సాగుతుంది. ఈ పాట‌కు అభిన‌య శ్రీనివాస్ సాహిత్యం అందించ‌గా.. తేజు విజ‌య పాడారు. సురేష్ బొబ్బిలి సంగీతం అందించారు.