Anganwadi Centers | అంగన్‌వాడీ కేంద్రాల్లో పోషణ్‌ మాసోత్సవం ప్రారంభం

Anganwadi Centers | రామగుండం ఐసీడీఎస్ ప్రాజెక్ట్ ఆధ్వర్యంలో అంగన్‌వాడీ కేంద్రాల్లో శనివారం నుంచి పోషణ్ మాసాత్సోతవాలు ఘనంగా ప్రారంభమైంది.

కోల్ సిటీ : రామగుండం ఐసీడీఎస్ ప్రాజెక్ట్ ఆధ్వర్యంలో అంగన్‌వాడీ కేంద్రాల్లో ( Anganwadi Centers ) శనివారం నుంచి పోషణ్ మాసాత్సోతవాలు ( Poshan Maasostavam ) ఘనంగా ప్రారంభమైంది. గోదావరిఖని పరశురాంనగర్- 1 ఏరియాలోని పలు కేంద్రాల్లో చిన్నారులకు సామూహిక అన్నప్రాసన, గర్భిణులకు సీమంతాలు చేసి పౌష్టికాహారం పంపిణీ చేశారు. చిరుధాన్యాలు, పండ్లు, ఆకుకూరలు, మొలకెత్తిన గింజలు, కూరగాయలు ప్రదర్శించారు.

వైవిధ్య భరితమైన ఆహారం క్రమం తప్పకుండా తీసుకోవాలని గర్భిణులు, బాలింతలకు అవగాహన కల్పించారు. రోజువారీ భోజనంలో ఆకు కూరలు, పప్పుధాన్యాలు, పాలు, గుడ్లు ఉండేలా చూసుకోవాలని సూచించారు. అంగన్‌వాడీ కేంద్రాల ద్వారా అందించే సమతుల్య ఆహారాన్ని సద్వినియోగం చేసుకోవాలని కోరారు. కార్యక్రమంలో అంగన్‌వాడీ టీచర్లు ఎం. నిర్మల, పీ. శ్రీలత, హెల్పర్ తిరుమల, మహిళలు, గర్భిణులు పాల్గొన్నారు.