Road accident | కారు, బైక్‌ను ఢీకొట్టిన లారీ.. పలువురికి తీవ్ర గాయాలు

Road accident | కారును లారీ ఢీకొన్న ఘటనలో పలువురు తీవ్రంగా గాయపడ్డారు. ఈ విషాదకర సంఘటన ఏపీలోని కాకినాడ జిల్లా తుని మండలం కొత్తూరు సమీపంలో జాతీయ రహదారిపై చోటు చేసుకుంది.

Road accident | కారును లారీ ఢీకొన్న ఘటనలో పలువురు తీవ్రంగా గాయపడ్డారు. ఈ విషాదకర సంఘటన ఏపీలోని కాకినాడ జిల్లా తుని మండలం కొత్తూరు సమీపంలో జాతీయ రహదారిపై చోటు చేసుకుంది. స్థానికులు తెలిపిన వివరాలు ఇలా ఉన్నాయి. వైజాగ్ నుంచి రాజమండ్రి వైపు వెళ్తున్న ఓ లారీ కొత్తూరు సమీపంలో కారును వేగంగా వచ్చి ఢీకొట్టింది. ఈ ప్రమాద ధాటికి శాంత్రో కారు నుజ్జునుజ్జయ్యింది.

అదే క్రమంలో దాని ముందు ఉన్న మరో కారు, బొలేరో వాహనంతో పాటు ఒక పల్సర్ బైక్ కూడా ప్రమాదానికి గురయ్యాయి. బొలేరో వాహనానికి స్వల్ప దెబ్బలు తగలగా, కార్లు, బైక్ తీవ్రంగా ధ్వంసమయ్యాయి. సమాచారం అందుకున్న పోలీసులు సంఘటన స్థలానికి చేరుకొని క్షతగాత్రులను తుని ఏరియా హాస్పిటల్‌కు తరలించారు. కేసు నమోదు చేసుకొని దర్యాప్తు చేపట్టారు. పూర్తి వివరాలు తెలియాల్సి ఉంది.