విద్యార్థులపై లాఠీల ప్రయోగం వద్దు.. బీజేపీ సీనియర్‌ నేత మురళీ మనోహర్‌ జోషి

ప్రజాస్వామ్యం రాజ్యాంగం ప్రకారం పనిచేయాలి, ఎన్నికలు నిష్పక్షపాతంగా జరగాలని బీజేపీ సీనియర్‌ నేత, కేంద్ర మాజీ మంత్రి మురళీ మనోహర్‌ జోషి పేర్కొన్నారు.

న్యూఢిల్లీ: ఫిక్కీ హయ్యర్‌ ఎడ్యుకేషన్‌ 21వ శిఖరాగ్ర సమావేశానికి హాజరైన ఆయన సీఈసీ జ్ఞానేశ్‌ కుమార్‌ రాజీనామాను కోరుతూ దేశవ్యాప్తంగా జరుగుతున్న ఆందోళనలపై స్పందించారు. విద్యార్థులు నిర్వహించే ఆందోళనలపై లాఠీలతో స్పందించరాదని ఆయన అన్నారు.

ఈ సందర్భంగా అమెరికా మాజీ అధ్యక్షుడు అబ్రహం లింకన్‌ వ్యాఖ్యలను ప్రస్తావిస్తూ.. ఎన్నికలు నిష్పక్షపాతంగా జరిగినప్పుడు, ప్రభుత్వం జవాబుదారీతనంతో ఉన్నప్పుడు, అధికార యంత్రాంగం పారదర్శకతతో వ్యవహరించినప్పుడు, విపక్షం స్పందించే గుణంతో బాధ్యతాయుతంగా ఉన్నప్పుడే ప్రజాస్వామ్యం మనుగడ సాధిస్తుందన్నారు.