వాషింగ్టన్ : అమెరికాలో మళ్లీ కాల్పుల ఘటన చోటు చేసుకుంది. విస్కాన్సిస్లోని క్యాసినోలో శనివారం రాత్రి ఓ దుండగుడు కాల్పులకు తెగబడ్డాడు. ఘటనలో ఏడుగురు గాయపడ్డారని సమాచారం. గ్రీన్ బే శివారులోని ఒనిడా క్యాసినోలో ఘటన చోటు చేసుకుంది. సంఘటనా స్థలంలోనే నిందితుడిని అదుపులోకి తీసుకున్నట్లు తెలుస్తోంది. రెండు నిమిషాల పాటు కాల్పులు జరిగి, ఆగిపోయాయని.. ఈశాన్యం వైపు నుంచి శబ్దాలు వచ్చాయని ఓ ప్రత్యక్ష సాక్షి తెలిపారు. అయితే, కాల్పుల ఘటనపై ఖచ్చితమైన సమాచారం లేదని.. గాయపడిన వారి గురించి సమాచారం లేదని గ్రీన్ బేలోని ఒనిడా క్యాసినో ప్రతినిధి బొబ్బి వెబ్స్టర్ అనే మహిళ ట్విట్టర్లో తెలిపారు. ‘వ్యక్తి ఎక్కడ కాల్పులు జరిపాడో సరిగ్గా తెలియదు, ఎంతమంది వ్యక్తులు చనిపోయారో కూడా తెలియదు’ అని పేర్కొన్నారు. 20 నుంచి 30 రౌండ్ల తుపాకీ కాల్పులు జరిగినట్లు వెస్ట్ఫాల్ అనే వ్యక్తి స్థానిక టీవీ చానల్కి ఇచ్చిన ఇంటర్వ్యూలో పేర్కొన్నారు. ఘటన గురించి సమాచారం అందుకున్న పోలీసులు క్యాసినోకి చేరుకున్నారు. ఘటనపై విచారణ జరుపుతున్నారు.