ఆర్థిక విషయాలు పంచుకోండి

భారతీయుల్లో ఎక్కువమంది తమ ఆర్థిక వివరాలను జీవిత భాగస్వామితో పంచుకోవడం లేదట. ఫలితంగా.. బ్యాంకులు, ఇన్సూరెన్స్‌ కంపెనీలు, మ్యూచువల్‌ ఫండ్స్‌లలో రూ.80,000 కోట్లకు పైగా సొమ్ము క్లెయిమ్‌ చేయకుండా పడి ఉన్నదట. అత్యవసర పరిస్థితుల్లో బ్యాంక్‌, ఇన్సూరెన్స్‌కు సంబంధించిన వివరాలు తెలియకపోవడం వల్ల..

భారతీయుల్లో ఎక్కువమంది తమ ఆర్థిక వివరాలను జీవిత భాగస్వామితో పంచుకోవడం లేదట. ఫలితంగా.. బ్యాంకులు, ఇన్సూరెన్స్‌ కంపెనీలు, మ్యూచువల్‌ ఫండ్స్‌లలో రూ.80,000 కోట్లకు పైగా సొమ్ము క్లెయిమ్‌ చేయకుండా పడి ఉన్నదట. అత్యవసర పరిస్థితుల్లో బ్యాంక్‌, ఇన్సూరెన్స్‌కు సంబంధించిన వివరాలు తెలియకపోవడం వల్ల.. వాటిని క్లెయిమ్‌ చేయడం లేదట. దీనిని అధిగమించాలంటే.. అన్నిరకాల ఆర్థిక విషయాలను జీవిత భాగస్వామితో పంచుకోవాలని నిపుణులు సూచిస్తున్నారు. ఇందుకోసం కొన్ని సలహాలను అందిస్తున్నారు.

• బీమా పాలసీలు, పెట్టుబడులు, ప్రావిడెంట్‌ ఫండ్స్‌ వంటివాటి గురించి దంపతులిద్దరూ చర్చించుకోవాలి. జీవిత బీమా పాలసీ నంబర్లు, బ్యాంక్‌ బ్రాంచ్‌లు, యూఏఎన్‌ నంబర్లు, డీమ్యాట్‌ ఖాతా వివరాలను.. కచ్చితంగా ఒకచోట రాసి ఉంచుకోవాలి.
• ప్రతి బ్యాంక్‌ ఖాతా నంబర్‌, బ్రాంచ్‌, మ్యూచువల్‌ ఫండ్‌కు సంబంధించిన వివరాలతో కూడిన ఒక ఫిజికల్‌, డిజిటల్‌ డాక్యుమెంట్‌ను సిద్ధం చేసుకోవాలి.
• అన్ని రకాల లైఫ్‌, హెల్త్‌ ఇన్సూరెన్స్‌ పాలసీ నంబర్లు, కంపెనీ పేర్లు, ఈపీఎఫ్‌ యూఏఎన్‌ నంబర్లు, పబ్లిక్‌ ప్రావిడెంట్‌ ఫండ్‌ వివరాలను నోట్‌ చేసి పెట్టుకోవాలి.
• ఎవరికైనా డబ్బు అప్పు ఇచ్చినా, వేరే ప్రాంతంలో ఆస్తులు కొనుగోలు చేసినా.. అందుకు సంబంధించిన అన్ని విషయాలతోపాటు డాక్యుమెంట్లను కూడా భాగస్వామితో పంచుకోవాలి.
• ఇలాంటి విషయాల గురించి ముందే సూటిగా మాట్లాడుకోవడం వల్ల భవిష్యత్తులో వచ్చే చట్టపరమైన, మానసికమైన ఇబ్బందులను నివారించవచ్చని అంటున్నారు. ఇంటి ఆర్థిక విషయాలను కలిసికట్టుగా ఎలా మేనేజ్‌ చేయాలో నిపుణులను అడిగి తెలుసుకోవాలని సూచిస్తున్నారు.