Visit:
Ramayana | నితేశ్ తివారీ దర్శకత్వంలో నమిత్ మల్హోత్రా నిర్మిస్తున్న రామాయణ సినిమా అత్యంత భారీ స్థాయిలో విడుదల కానున్నట్లు సినీ జగత్తులో వినిపిస్తున్న మాట. దీంతో ఈ సినిమా భారతీయ చలన చిత్ర పరిశ్రమలో చరిత్ర సృష్టించనుంది. అంతర్జాతీయ పంపిణీ బాధ్యతలను నిర్వహిస్తున్న సోనీ పిక్చర్స్ విదేశాల్లో ని 50,000 స్క్రీన్లతో పాటు ప్రపంచ వ్యాప్తంగా మొత్తం 59,000 స్క్రీన్లపై విడుదల చేస్తున్నారని సాక్నిక్ (Sacnilk) నివేదిక పేర్కొంది. దీని గురించి చిత్ర నిర్మాతలు అధికారికంగా ఇంకా ధ్రువీకరించలేదు.
రణ్బీర్ కపూర్ రాముడి (Lord Rama)గా, సాయిపల్లవి సీతగా, యష్ రావణుడిగా, రాముడి తండ్రి దశరథుడిగా అరుణ్ గోవిల్ (90ల్లో టీవీ సీరియల్ రామాయణలో రాముడి పాత్రధారి), సన్నీ డియోల్ హనుమంతుడిగా నటిస్తున్న ఈ చిత్రం మొదటి భాగం ఈ ఏడాది దీపావళి (నవంబర్ 6)కి విడుదల కానుంది. రిలీజ్కు ముందే ఈ సినిమా రికార్డు సృష్టించడానికి సిద్ధమవుతుంది. జూలై 30న విడుదలైనఈ సినిమా ట్రైలర్కు విశేష స్పందన లభిస్తుంది. ఈ నేపథ్యంలో పౌరాణిక ఇతిహాస గాథ అయిన ఈ చిత్రాన్ని భారతీయ సినిమా చరిత్రలోనే అత్యంత భారీ స్థాయిలో రిలీజ్ చేయనున్నారు.
పుష్ప2, ఆర్ఆర్ఆర్లతో పోలిస్తే..
అల్లు అర్జున్ నటిచంని పుష్ప(Pushpa)2 చిత్రం ప్రపంచ వ్యాప్తంగా దాదాపు 12,000 నుంచి 13,000 స్క్రీన్లలో, జూనియర్ ఎన్టీఆర్, రామ్చరణ్ నటించిన ఆర్ఆర్ఆర్ సుమారు 10,000 నుంచి 11,000 స్క్రీన్లలో రిలీజ్ చేశారు. ఇవేకాదు ప్రధానమైన భారతీయ సినిమాలు చాలా 10,000 కంటే ఎక్కువ స్క్రీన్లలో ప్రదర్శించారు. వీటికంటే ఎక్కువగా 59,000 స్క్రీన్లలో విడుదలైతే రామాయణ రికార్డు సృష్టిస్తుంది. అలాగే జేమ్స్ కామెరూన్ తీసిన హాలీవుడ్ సినిమా అవతార్2 ప్రపంచ వ్యాప్తంగా దాదాపు 52,000 స్క్రీన్లలో విడుదలైనట్లు సమాచారం.
50 భాషల్లో..
ఈ సినిమాను కేవలం భారతీయ అభిమానులకు మాత్రమే కాకుండా ప్రపంచ వ్యాప్తంగా (World Wide) పరిచయం చేయాలనుకున్నామని నిర్మాత నమిత్ మల్హోత్రా గతంలో తెలిపారు. అందుకే ఈ చిత్రాన్ని సుమారు ప్రపంచ వ్యాప్తంగా 50 భాషల్లో విడుదల చేయనున్నారు. ఏఐ ఆధారిత లిప్ సింక్ టెక్నాలజీతో ఐమ్యాక్స్ స్క్రీనింగ్లతో సహా ప్రీమియం ఫార్మాట్లో కూడా రూపొందిస్తున్నారు. ఇందుకు డీఎన్ఈజీ బ్రహ్మ ఏఐ టెక్నాలజీని ఉపయోగిస్తున్నారు.
