లండన్: ఇంగ్లండ్ టెస్ట్ కెప్టెన్సీ బాధ్యతల నుంచి జో రూట్ తప్పుకున్నాడు. ఇటీవల వెస్టిండీస్తో జరిగిన సిరీస్లో సారథిగా జో రూట్ విఫలం అయ్యాడు. ఈ నేపథ్యంలో ఆ బాధ్యతల నుంచి వైదొలుగుతున్నట్లు రూట్ తెలిపాడు. 2017లో అలిస్టర్ కుక్ వారసుడిగా జో రూట్ టెస్ట్ కెప్టెన్సీ బాధ్యతలు చేపట్టాడు. కెప్టెన్గా అత్యధిక మ్యాచ్లు గెలిపించిన రికార్డు జో రూట్ పేరిట నమోదైంది. వెస్టిండీస్తో జరిగిన చివరి టెస్టులోనూ 10 వికెట్ల తేడాతో ఇంగ్లండ్ ఓటమిపాలైంది. వరుసగా ఇంగ్లండ్ 9 మ్యాచ్లు ఓడింది. తన కెరీర్లో ఇది చాలా సవాల్తో కూడిన నిర్ణయమని, తన ఫ్యామిలీతో పాటు సన్నిహితులతో చర్చించిన తర్వాత, కెప్టెన్సీ బాధ్యతల నుంచి తప్పుకోవడానికి ఇదే సరైన సమయమని నిర్ణయించినట్లు రూట్ తెలిపాడు. దేశానికి సారథ్యం వహించడం గర్వంగా ఫీలవుతున్నట్లు చెప్పాడు. టెస్టు కెప్టెన్గా జో రూట్ 5,295 రన్స్ చేశాడు. కెప్టెన్గా 14 సెంచరీలు నమోదు చేశాడు. 64 టెస్టులకు కెప్టెన్సీ చేపట్టగా, దాంట్లో 27 మ్యాచుల్లో గెలవగా, 26 మ్యాచుల్లో ఓడారు.