Jensen Huang | ఎన్విడియా సీఈవో జెన్స‌న్ హువాంగ్ రాజీనామా..!

Jensen Huang | ఆర్టిఫిషియల్ ఇంటెలిజెన్స్ (AI) విప్లవంలో ప్రపంచ అగ్రగామిగా దూసుకుపోతున్న చిప్ తయారీ సంస్థ ఎన్విడియా (Nvidia) లో తీవ్ర సంక్షోభం తలెత్తింది. సంస్థ వ్యవస్థాపకుడు, చీఫ్ ఎగ్జిక్యూటివ్ ఆఫీసర్ (CEO) జెన్సన్ హువాంగ్ (Jensen Huang) తన పదవికి రాజీనామా చేశారు. చైనా గూఢచారిగా భావిస్తున్న ఆలిస్ హువాంగ్‌తో ఆయన వివాహేతర సంబంధం నేపథ్యంలో వివాదాలు ముదరడంతో డైరెక్టర్ల బోర్డు ఆయనపై చర్యలకు సిద్ధమైనట్టు తెలుస్తోంది.

Jensen Huang : ఆర్టిఫిషియల్ ఇంటెలిజెన్స్ (AI) విప్లవంలో ప్రపంచ అగ్రగామిగా దూసుకుపోతున్న చిప్ తయారీ సంస్థ ఎన్విడియా (Nvidia) లో తీవ్ర సంక్షోభం తలెత్తింది. సంస్థ వ్యవస్థాపకుడు, చీఫ్ ఎగ్జిక్యూటివ్ ఆఫీసర్ (CEO) జెన్సన్ హువాంగ్ (Jensen Huang) తన పదవికి రాజీనామా చేశారు. చైనా గూఢచారిగా భావిస్తున్న ఆలిస్ హువాంగ్‌తో ఆయన వివాహేతర సంబంధం నేపథ్యంలో వివాదాలు ముదరడంతో డైరెక్టర్ల బోర్డు ఆయనపై చర్యలకు సిద్ధమైనట్టు తెలుస్తోంది.

అయితే బోర్డు నిర్ణయం కంటే ముందే జెన్సన్ హువాంగ్ రాజీనామా నిర్ణయం తీసుకున్నారు. ఆయన స్థానంలో కంపెనీ తాత్కాలిక సీఈఓగా కొలెట్ క్రాస్ బాధ్యతలు చేపట్టారు. ఈ పరిణామాలకు దారితీసిన పరిస్థితులను పరిశీలిస్తే.. నవంబర్ 8న జెన్సన్ హువాంగ్ తాను భార్యకు నమ్మకద్రోహం చేశానని సంస్థ ఉద్యోగులకు స్వయంగా వెల్లడించారు. అయితే ఇందులో విదేశీ నిఘా ప్రమేయం ఏమైనా ఉందా అనే కోణంలో బోర్డులోని స్వతంత్ర డైరెక్టర్లు విచారణ ప్రారంభించారు.

ఎన్విడియా క్లయింట్ అయిన సింగపూర్ సంస్థ మెగాస్పీడ్ ఎగ్జిక్యూటివ్ ఆలిస్ హువాంగ్‌తో ఆయనకున్న సంబంధం ఈ వివాదానికి కేంద్రబిందువుగా మారింది. ఆమె చైనా నిఘా వర్గాలకు ఏజెంట్‌గా వ్యవహరిస్తూ అమెరికా నిబంధనలకు విరుద్ధంగా దాదాపు 7.5 బిలియన్ డాలర్ల విలువైన ఏఐ చిప్‌లను చైనాకు చేరవేయడంలో ఈ సంబంధాన్ని ఉపయోగించుకున్నారనే అనుమానాలు వ్యక్తమయ్యాయి.

ఈ అంశంపై ఇప్పటికే ఎఫ్‌బీఐ (FBI), అమెరికా న్యాయశాఖ విచారణ జరుపుతున్నాయి. మొదట్లో హువాంగ్‌కు అండగా నిలిచిన బోర్డు, ఆ తర్వాత ఆయనపై మరో వ్యక్తిగత వివాదం తెరపైకి రావడంతో వైఖరి మార్చుకుంది. ఎన్విడియా వైస్ ప్రెసిడెంట్ (హెల్త్‌కేర్) కింబర్లీ పావెల్‌తో కూడా ఆయనకు సంబంధం ఉన్నట్లు నివేదికలు రావడంతో డైరెక్టర్ల బోర్డు అత్యవసరంగా భేటీ అయింది. సంస్థ నియమావళి, జాతీయ భద్రత, కార్పొరేట్ విశ్వసనీయత దెబ్బతిన్న నేపథ్యంలో బోర్డు ఆయ‌నను తొలగించేందుకు సిద్ధమైంది.

దాంతో హువాంగ్ తానే స్వ‌యంగా తప్పుకోవాల్సి వచ్చింది. సంస్థలో ఇప్పటివరకు ఎలాంటి వారసత్వ ప్రణాళిక లేకపోవడంతో ఆర్థిక వ్యవహారాల్లో కీలకమైన కొలెట్ క్రాస్‌ను తాత్కాలిక సీఈఓగా నియమించారు. ఈ నాయకత్వ సంక్షోభం వాల్‌స్ట్రీట్‌తోపాటు అంతర్జాతీయ మార్కెట్లను కుదిపేసింది. బుధవారం సాధారణ ట్రేడింగ్‌లో 173.73 డాలర్ల వద్ద ముగిసిన ఎన్విడియా షేరు తాజా పరిణామాల అనంతరం ఆఫ్టర్-అవర్స్ ట్రేడింగ్‌లో దాదాపు 8.6 శాతం పతనమై 158.78 డాలర్లకు పడిపోయింది.

వివాదం మొదలైన నవంబర్ 8 నుంచి ఇప్పటివరకు కంపెనీ మార్కెట్ విలువలో సుమారు 430 నుంచి 600 బిలియన్ డాలర్ల మేర సంపద ఆవిరైంది. ఇదే సమయంలో ఎన్విడియా ప్రత్యర్థి సంస్థలైన ఏఎండీ (AMD), బ్రాడ్‌కామ్ షేర్లు లాభాల్లోకి దూసుకెళ్లాయి. మరోవైపు ఈ సంక్షోభం రాజకీయ, న్యాయపరమైన మలుపులు తిరుగుతున్న‌ది. నష్టపోయిన మదుపర్లు శాన్ జోస్ కోర్టులో క్లాస్ యాక్షన్ దావా వేశారు.