e-Paper

Advertisement

E-Paper

Apps

Book Your Copy

Visit Telangana Today

Tuesday, May 11, 2021
Home News గేట్స్ దంపతుల ఆస్తి రూ.11 లక్షల కోట్లు..పంపకాలపై ఊహాగానాలు

గేట్స్ దంపతుల ఆస్తి రూ.11 లక్షల కోట్లు..పంపకాలపై ఊహాగానాలు

గేట్స్ దంపతుల ఆస్తి రూ.11 లక్షల కోట్లు..పంపకాలపై ఊహాగానాలు

వాషింగ్టన్: ప్రపంచ ప్రసిద్ధ కుబేర దంపతులు బిల్, మెలిండా గేట్స్ విడిపోతున్నారనే వార్త ఈసరికే ప్రపంచాన్ని చుట్టేసింది. ఇంతకూ వారు తమ ఉమ్మడి సంపదను ఎలా పంచుకుంటారనే విషయమై ప్రస్తుతం ఊహాగానాలు సాగుతున్నాయి. వారి సంపద ఎంతో తెలుసా? 145 బిలియన్ డాలర్లు. అంటే మన కరెన్సీలో సుమారు రూపాయలు 11 లక్షల కోట్లు. అంత సంపద సరిసమానంగా పంచుకుంటారా? అంటే సందేహమే. ప్రస్తుతం దీనిపై ఊహాగానాలు జోరుగా సాగుతున్నాయి. ఎవరి అంచనా వారు వెల్లడిస్తున్నారు. ఆ మధ్య అమెజాన్ బాస్ జెఫ్ బెజోస్ తన భార్యకు విడాకులు ఇచ్చినప్పుడు జరిగిన ఆస్తి పంపకాలు ప్రపంచవ్యాప్తంగా చర్చాంశమయ్యాయి. బెజోస్ తన ఆస్తిలో 75 శాతం ఉంచుకుని 25 శాతం భార్య మెకంజీ స్కాట్‌కు ఇచ్చేశారు. అమెజాన్‌లోని ఉమ్మడి వాటా నుంచి 16 శాతం స్కాట్‌కు వాటాగా వచ్చింది. దాంతో ఆమె ప్రపంచంలోని నాలుగో సంపన్న మహిళగా స్థానం పొందారు. కానీ గేట్స్ దంపతుల విడాకుల పంపకాలు అంత సరళంగా ఉండకపోవచ్చునని పరిశీలకులు అంచనా వేస్తున్నారు. బెజోస్ తరహాలో పెట్టుబడులన్నీ ఒకేచోట లేకపోవడమే ఇందుకు కారం. పైగా ప్రపంచంలోని అతిపెద్ద ఫౌండేషన్లలో ఒకటైన గేట్స్ ఫౌండేషన్‌కు ఇద్దరూ కలిసే నేతృత్వం వహిస్తున్నారు. దంపతులుగా విడిపోయినా ఫౌండేషన్ మాత్రం కలిసే నడుపుతారట. ఆస్తిలో పెద్దవాటా ఫౌండేషన్‌కే పోతుంది. ప్రస్తుతానికి మటుకు 1.8 బిలియన్ డాలర్లు అంటే రూ.13,500 కోట్ల మేర షేర్లు మెలిండా పేర బదిలీ అయినట్టు నియంత్రణ సంస్థల లెక్కల ద్వారా తెలుస్తున్నది. ప్రస్తుతం గేట్స్ దంపతులు వాషింటగ్టన్ మదీనాలోని తమ ఎస్టేట్ లో ఉంటున్నారు. దాని విస్తీర్ణం 66వేల చదరపు అడుగులు. వాషింగ్టన్ చట్టాల ప్రకారం ఇల్లు మాత్రం భార్యాభర్తలు విడిపోతే చెరిసగం పంచాల్సిందే. ఇకపోతే తమ ముగ్గురు పిల్లలకు ఆస్తిలో వాటా నామమాత్రంగానే ఇస్తామని బిల్ గేట్స్ ఇదివరకే ప్రకటించారు.

గేట్స్ దంపతుల ఆస్తి రూ.11 లక్షల కోట్లు..పంపకాలపై ఊహాగానాలు
Advertisement
గేట్స్ దంపతుల ఆస్తి రూ.11 లక్షల కోట్లు..పంపకాలపై ఊహాగానాలు
-Advertisement-

తాజావార్తలు

Advertisement

ట్రెండింగ్‌

Advertisement