Elvish Yadav | బిగ్‌బాస్‌ విజేత ఎల్విష్‌ యాదవ్‌ ఇంటిపై 12 రౌండ్ల కాల్పులు..!

Elvish Yadav | హిందీలో ప్రసారమైన బిగ్‌బాస్‌ (Big boss) ఓటీటీ సీజన్‌-2 విజేత, ప్రముఖ సోషల్‌ మీడియా (Social Media) ఇన్‌ఫ్లూయెన్సర్‌ ఎల్విష్‌ యాదవ్‌ (Elvish Yadav) ఇంటిపై గుర్తు తెలియని దుండగులు కాల్పులు జరిపారు.

Elvish Yadav : హిందీలో ప్రసారమైన బిగ్‌బాస్‌ (Big boss) ఓటీటీ సీజన్‌-2 విజేత, ప్రముఖ సోషల్‌ మీడియా (Social Media) ఇన్‌ఫ్లూయెన్సర్‌ ఎల్విష్‌ యాదవ్‌ (Elvish Yadav) ఇంటిపై గుర్తు తెలియని దుండగులు కాల్పులు జరిపారు. ఆదివారం తెల్లవారుజామున 5.30 గంటల సమయంలో గురుగ్రామ్‌లోని అతడి ఇంటి వద్దకు ముగ్గురు గుర్తుతెలియని దుంగడులు బైక్‌పై వచ్చారు. కాసేపు అక్కడే తచ్చాడి ఎల్విష్‌ నివాసంపై 12 రౌండ్ల కాల్పులు జరిపి పారిపోయారు.

సమాచారం అందుకున్న పోలీసులు ఘటనా స్థలానికి చేరుకొని ఫోరెన్సిక్ బృందాల సహాయంతో తనిఖీలు చేశారు. ఘటనపై కేసు నమోదు చేసి దర్యాప్తు చేపట్టారు. కాల్పుల్లో ఎవరికీ ఎలాంటి గాయాలు కాలేదని తెలిపారు. భవనంలోని రెండు, మూడో అంతస్తుల్లో ఎల్విష్‌ యాదవ్ తన కుటుంబంతో కలిసి నివసిస్తున్నట్లు పోలీసుల దర్యాప్తులో వెల్లడైంది. దుండగుల కాల్పుల్లో తూటాలు మొదటి అంతస్తులోకి దూసుకువెళ్లాయి.

దాడి జరిగిన సమయంలో ఎల్విష్‌ ఇంట్లో లేడని, అతడి కుటుంబసభ్యులు, కేర్‌టేకర్‌ ఉన్నారని పోలీసులు చెప్పారు. పోలీసులు నిందితులను గుర్తించేందుకు సీసీటీవీ దృశ్యాలను పరిశీలిస్తున్నారు. నిందితుల కోసం గాలింపు చర్యలు చేపడుతున్నామని చెప్పారు. అయితే కాల్పులకు ముందు అతడికి ఎలాంటి బెదిరింపులు రాలేదని కుటుంబసభ్యులు తెలిపారు.