‘పట్టభద్రులు ఓటు నమోదులో భాగస్వాములు కావాలి’

అర్హులైన పట్టభద్రులు ఓటు నమోదు చేసుకోవడంతో ప్రజాస్వామ్య ప్రక్రియలో భాగస్వాములు కావాలని బీఆర్ఎస్ నాయకులు అన్నారు. సోమవారం బూర్గంప‌హాడ్‌ మండల పరిధిలోని సారపాక ప్రగతి విద్యానికేతన్‌లో ఓటరు నమోదు ప్రక్రియలో భాగంగా...

బూర్గంపహాడ్, నవంబర్ 02 : అర్హులైన పట్టభద్రులు ఓటు నమోదు చేసుకోవడంతో ప్రజాస్వామ్య ప్రక్రియలో భాగస్వాములు కావాలని బీఆర్ఎస్ నాయకులు అన్నారు. సోమవారం బూర్గంప‌హాడ్‌ మండల పరిధిలోని సారపాక ప్రగతి విద్యానికేతన్‌లో ఓటరు నమోదు ప్రక్రియలో భాగంగా ఉపాధ్యాయులను కలుసుకుని ఓటు నమోదుపై అవగాహన కల్పించారు. పట్టభద్రులుగా ఓటరు నమోదు చేసుకోవడంతో పాటు సహ ఉపాధ్యాయులు, పూర్వ విద్యార్థులను ఓటరు నమోదులో భాగస్వాములు చేయాలని కోరారు. అనంతరం ఫారం- 18ని అందజేసి కేసీఆర్ నాయకత్వాన్ని బలపర్చాలని కోరారు. ఈ కార్యక్రమంలో సొసైటీ అధ్యక్షుడు బిక్కసాని శ్రీనివాసరావు, మండల వర్కింగ్ ప్రెసిడెంట్ జలగం జగదీష్, మాజీ ఎంపీటీసీ వల్లూరిపల్లి వంశీకృష్ణ, పట్టణ అధ్యక్షుడు కొనకంచి శ్రీనివాసరావు, యూత్ అధ్యక్షుడు సోము లక్ష్మిచైతన్యరెడ్డి పాల్గొన్నారు.