ఊరమాస్‌ బుల్లోడు

లక్ష్‌ చదలవాడ, వేదిక దత్త జంటగా నటిస్తున్న చిత్రం ‘గ్యాంగ్‌స్టర్‌ గంగరాజు’. ఇషాన్‌ సూర్య దర్శకుడు. చదలవాడ పద్మావతి నిర్మిస్తున్నారు. ఈ చిత్రంలోని ‘ఊరమాస్‌ బుల్లోడా ఊరకుండనంటవే.. ఎల్లా ఎల్లాగా’ అనే గీతాన్ని చిత్రబృందం ఇటీవల విడుదలచేసింది. రామజోగయ్యశాస్త్రి సాహిత్యాన్ని అందించిన ఈ గీతాన్ని ధనుంజయ్‌, కీర్తన శర్మ ఆలపించారు. సాయికార్తిక్‌ సంగీతాన్ని అందించారు. ‘యాక్షన్‌ అంశాలతో సాగే ప్రేమకథా చిత్రమిది. గంగరాజు ఎవరు? అతడు ఎందుకు గ్యాంగ్‌స్టర్‌గా ఎందుకు మారాడన్నది ఆసక్తికరంగా ఉంటుంది. త్వరలో ఈ సినిమాను ప్రేక్షకలు ముందుకు తీసుకొస్తాం’ అని చిత్రబృందం తెలిపింది. వెన్నెల కిషోర్‌, చరణ్‌దీప్‌, శ్రీకాంత్‌ అయ్యంగార్‌ ప్రధాన పాత్రల్లో నటిస్తున్న ఈ చిత్రానికి ఛాయాగ్రహణం: పీసీ ఖన్నా.